SBA BZHED CES BYA BA LAS SBA GSAL SNANG GI BZHED PA BZHUGS ||
by Sba Gsal snang
<<deb 'di mi rigs rig gnas pho brang gi dpe mdzod khang du yod pa'i sba bzhed bris ma ltar bshus nas bsgrigs pa yin>>
mi rigs dpe skrun khang 1982 (2nd printing) ed. by mgon-po-rgyal-mtshan.
Note: This data file, entered into the computer by Dan Martin over many days of mindless typing, does contain some typological errors. It is primarily intended to be used as a 'word-index' to the printed text, which must be consulted directly in every case. This file is free, may be circulated freely.
-- -- -- -- -- -- -- -- -- -- -- -- -- --
btsan po khri lde gtsug btsan gyis mes srong btsan gyi bka' chems kyi yi ge 'chems phu'i ['chims phu'i] phyag mdzod na | blon po mgar gyis zangs kyi byang bu la bris nas sbas pa de bltas pas | nga'i dbon sras kyi ring la rgyal po lde zhes bya ba'i ring la dam pa'i lha chos 'byung ste de bzhin gshegs pa'i rjes su rab tu byung ba dbu reg dang zhabs rjen | sku la ngur smrig gi rgyal mtshan gsol ba | lha dang mi'i mchod gnas kyang mang du 'byung | de las rang gzhan gyi tshe 'di dang phyi ma'i mtho ris dang | thar pa thams cad kyi bde ba 'byung bas | nga'i dbon sras rje blon rnams kyis 'tsho ba slad (bla) nas sbyor la chags (chab) 'og nas bde ba 'byin | dbu'i mchod gnas su khur cig | ces bya ba bris nas 'dug pa de gzigs pas | lde zhes bya ba de nga yin par dgongs nas | bran ka mu le ko dang | gnyags dznyâ na ku ma ra gnyis rgya gar du chos 'tshol du btang bas | pandi ta dpal sangs rgyas gsang ba dang | sangs rgyas zhi ba gnyis gangs ti si [ti se] la sgom bya ba thos te de gnyis spyan drangs pas ma 'grongs ('drongs) . de gnyis kyi thugs las mdo sde las rnam par 'byed pa dang | gser 'od dam pa'i mdo dang | kri ya dang | u pa ya shas tsam zhus | glegs bam spyan drangs nas rgyal po'i mchod gnas su phul | de'i bzhugs khang lta bur lha khang lnga bzhengs te | lha sa na mkhar brag | brag dmar na mgrin bzang | 'chims phu na na ral | brag dmar na ka chu | ma sa gong gi gtsug lag khang [2] dang lnga bzhengs pas | zhang blon kun brtse (rtse) bro chag bril bas ma dga' nas | nged kyi btsan po 'di ni dad pa che la chos la dga' | byad mi mtshar bas bram ze min nam zhes gleng ba rje'i snyan du gsan pas rje'i zhal nas | nga bram ze yin par gyur na nga'i khab ljang mo khri btsun 'di la bu nga bas dad pa che ba | byad mi sdug pa zhig shog cig | nga btsan po ma nor ba yin na | bu zhang blon gyis bcos mi thub pa shog cig ces dmod btsugs pas | khri btsun la sras lha'i bu 'dra ba | sna'i gzengs mtho ba | dpral ba'i dbyes che ba | shin tu mdzes pa zhig btsas pas zhang blon rnams na re | bod kyi btsan po 'di rgyal po yang dag pa'o zer | sras la 'di mi min lha'i dbon po yin zer nas | ming yang ljang tsha lha dbon du gsol |
de la khab ran par gyur tsa na | bod kyi mi thams cad spre'u dang brag srin gyi bu yin pas 'di'i jo mo mi 'os | 'di la rgya'i bu mo zhig slong bar chad do | bod kyi rgyal po la bzang ba mes srong btsan sgam po de arya pa lo ke ta'i [a ba lo ki ta'i] sprul par grags | de'i btsun mo lha gcig kong jo yin | kong jo'i yul rgya nag po'i yul grong khyer kem shing khri sgo na rgyal po kong 'phrul bya ba 'byor pa rgyas pa | mtha' thang (mnga' thang) rgyas pa zhig yod | de la gtsug lag gi gab tshe sum brgya drug cu yod pas rgya nag gtsug lag gi rgyal por grags | mtshan rgya rje 'bron shing hwan zer | de'i sras rgya rje spyan bzang | de'i sras rgya rje li khri bzher lang mig ser bya ba da lta bzhugs pa de'i sras mo gyim shing kong jo bya ba yod zer ba de slong bar 'chams nas | gnyags khri bzang yang ston la 'khor sum cu dang bcas pa gnye bor btang nas | pho nya ba de dag gis rgya rje la sgrom bu phul bas | rgya rjes byin par dgongs nas bu mo la bsgo bas | bu mo kong jos rang gi 'phrul gyi me long srid gsum mthong ba zhig yod pa de la [3] bltas pas | bod kyi yul yar lung yul bzang ba dang | rgyal bu de byad legs pa lha'i bu 'dra ba de mthong nas 'gro bar byas | de nas rdzongs la sogs pa byas pa dang | gnye bo dang bcas pa bod do 'ongs so | |
shul du rgyal bus mtshan la rta bcags pas | 'phang thang dge rar sngags pas zor mda' 'phangs pa 'phog te grongs so | bang so ke'u rtsig pa'i tshe na kong jo 'phang thang gi pho brang du byon pas | rgyal po yin zer ba'i rgad po ag tshom can gcig las mi brda bas (gda' bas) | byad kyi blta bya yin nam me long gi blta bya yin mnyam nas (snyam nas) yid ma dga' ste | nyin mo bzhin dngul dkar gyi tam bu ras ram bu bteg cing sdug glu len | mtshan mo bzhin mchu sbrang gis ram bu bteg cing glu len par | rgya gar gyi yul na dam pa'i lha chos yod de | lam bal yul de tshad pa che | de la bsams nas sems thag chad | rgya nag gi yul na ju zhag gi rtsis yod de | pha yul shul thag ring | de la bsams nas sems thag chad | bod yul gyi dbus na rje rgyal gyi btsan po yod de | blon po gdug pa che | bod kyi blon po sdig po che zer zhing glu len | de blon pos rje'i snyan du gsol ba las | rje'i zhal nas | 'o na da mo rang la skyes drag tu bskur la pha yul du skyol ces gsungs | de skad kong jo la gsol ba las | kong jo na re | rgyal bu byad legs pa zhig yod pa ltar na | nga dang las ma mthun pa yin pas nga pha yul du 'chi ba (mchi ba) mi spro zhing | da mes po dang 'du'o zhes zer | dus ring zhig gi phyis kong jo na re | nga'i ne ne mo kong jo'i mchod gnas gser gyi lha shâkya mu ne'i zhal blta'o | zer nas | dbu ru lha sar byon pa dang | rgya stag ra mo che na lha mi bzhugs nas | de kun tu mchod pa byed cing btsal yang ma rnyed nas | ra sa'i lha khang du mchog pa byas pas | gtsang khang sgo lnga phud rams 'dug pa la bzhi las med pas | [4] 'di na gtsang khang gcig yod par nges zhes glo 'bur gyi ya gtad 'og tu brdungs pas ser kha byung | de brkos nas phe ba dang | gser gyi lha shâkya mu ne sbas pa mthong nas | ne ne mo'i lha la zhal ston gcig gsol zer nas mchod pa btsugs | blon po shi tshad la zan skal med pas | nged rgya nag na chos dar bas mi shi tshad la bdun tshigs yod | bod la chos ma dar bas blon po snying re rje zer nas mi zhi ma thag tu lha mi stong la mtshal ('tshal) ma re 'tshal (bstsal) | de la bod kyis tshe zhes bya'o | |
phyis kong jo la yos bu'i lo la rgyal bu chags | de'i dus na rgyal po ni pho brang brag dmar 'om bu'i tshal na bzhugs | yos bu'i lo dpyid zla ra ba'i tshes gsum la bab pa na | rgya'i hwa shang mngon shes yod pa zhig na re | rgyal po khyod kyi btsun mo la sras byang chub sems dpar nges pa cig btsal bar (btsa' bar) nges | de la rim gro skyed cig ces zer | rgyal pos nam phyed la mchod rten brgya rtsa brgyad bzhengs | 'jim pa lhag ma la nga'i sku tshad byed gsungs nas mchod rten gres thag can yang brtsigs | nang par pho nya byung ste kong jo la sras gcig bltams so zhes zer | rgyal pos yar lung 'phang thang du sras bltams pa gzigs su byon pa'i tshe | kong jo'i bu sna rnam bza' (nam bza') bzhi stengs kyis phrogs nas 'di nga la skyes pa yin zer | der blon po kun gyis brtag par bya ba'i phyir | thang tshigs kyi bug gar bu bzhag nas bu su thob byed du bcug pas | kong jos sngon la zin pa bzhi stengs kyis zhi na'ang shi snyam te phrogs pas | kong jos bu shi dogs nas lhod btang ste | yin dang nga'i yin te dri mo (dre mo) khyod zer nas btang | bu kong jo'i yin par shes | lo gcig lon tsa na zhabs 'dzugs pa'i dga' ston byas te | sna nam pa rnams ber chung ngu re lag na thogs nas zhang po'i pang du shog zer | rgyal bu na re | khri srong lde btsan rgya tsha lags | [5] sna nam zhang gi ci bgyi 'tshal | gsungs nas rgya'i spang du (pang du) song bas | ming yang rang gis btags so |
de nas rgyal bus lo bzhi bzhes nas pho brang 'om bu tshal du bzhugs | rgya rjes rgyal po la skyes chen po bskur nas pho nya ba 'ba' de'u la bu rgya phrug gar mkhan bya ba zhig yod pa de rgyal bu'i rtse zlar phul | yab rgyal po dam pa'o chos mdzad par bzhed nas | chos rgya gar na yod pas rgya gar gyi rgyal po'i thugs bzung ba'i slad du skyes dang pho nya ba lho bal du brdzangs pas | shul dong phabs kyi 'phrang du khu 'phangs dgung bdun bab | 'tsho ba chad nas gnam du bltas pas | bya phug ron lnga 'phur ba la | mda' bzhi dus gcig la 'phangs nas bzhi dus gcig la bskum (bkum) | de sdig che bar kun gyis gleng ba de rgyal bu brag dmar rdzing gong na rtse bas gsan | rtse zla khyung po dum tshugs | cog la smon lam 'bar | rgya phrug gar mkhan dang lnga rdzing na rtse ba'i 'dam khrod rkang pa'o 'og nas srin bu dmar nar byung bas | rgyal bu na re | shul dong phabs kyi 'phrang la pho nya ba 'ba' de'us phug ron bzhi bsad pa de sdig che'o mchis na | srin bu 'di kun bsad na sdig che'am mi che zer | khyung po dum tshugs kyi mchid nas 'di lta bu'i ma nyes pa bsad na shin tu sdig che | tshur la gnod pa byed pa dang nya bsad na phyugs zan 'phel zer | rgya phrug gi skad nas | rgya'i hur bya ba'i gtsug lag las | 'di lta bu bkum na de phur du (te por) sdig che'o mchi zer | rgyal bu na re hur las ji ltar 'byung gsungs pas | rgya phrug na re | hur las dge ba bcu'i chos yod ces snyan du gsol ba las | rgyal bus dus rtag tu de gleng ba zhang blon kun gyis tshor te | rgyal bu 'di chos la dga'am | zhes gros mol bas dga' zer | rgyal bu'i phyir yab kyis sgrom bu bskur nas sang shi dang mi bzhi rgya'i gtsug lag len du pho nyar [6] btang | bka' bzhin du bsgrubs na bya dga' byin no | ma grub na gsod do byas te btang |
de nas ke'u lo'i 'phrang la phyin | de'i dus su rgya rje'i bum sangs dbang po'i drung na ju zhag mkhas pa gcig na re | da ste zla ba gsum na nub phyogs bod nas 'dir byang chub sems dpa' gcig pho nyar 'ong zhes mchi'o zer | de ci 'dra byas pas de'i sha tshugs dang rtags 'di 'dra'o zer nas 'bag bris | dbang pos de rgya rje'i snyan du gsol bas | rgya rjes pho nya btang nas de der sdod du ma gzhug par de la rim gro bskyed la mra nga'i drung du thongs bya ba byung | pho nya de dus su byung nas de la rgya'i hwa shang gis phyag byas te bsgo ba bzhin byas mar btang bas | rgya rjes kyang de la phyag byas pa dang | pho nyas rgya rje la btsan po'i sgrom bu phul | rgya rjes sgrom bu dang sbyar nas rdzong bar chad byas te | rgya rje na re | khyod rgya de'u'i bu yin na 'dir nga'i nang blon bgyir mi rung ngam gsungs | de la bsams pas | nga 'dir 'dug na tshe 'di la skyid na'ang | bod yul du chos bzang po khyungs dbyung ba'i phyir | sangs rgyas kyi bstan pa'i sde snod kyi dpe tsam cig btsan po'i phyag du phul la | slad kyi thabs bya bar snyan du gsol snyam te | bdag 'dir sdod par gnang ba ni bka' drin che na | bod kyi btsan po'i bka' nan cher bstsal bas | bdag gi pha las kyis bskums (bkum) na glo ba la bcag | slad bod du mchis nas pha dang gros bgyis te thabs kyis 'bangs su mchi'o | zhes zhus pas | rgya rje na re | nga'i snying du mi khyod las sdug pa ni ma byung na | khyod bya dga' ci 'dod | pho nya'i mchid nas bya dga' gnang na sangs rgyas kyi gsung rab bam po stong zhu'o zhes zhus pa dang | rgya rje na re ki'u li te gcan zan gyi 'phrang la song rtsa na'ang gnod pa ma byas par rim gro cher byas byung | bum sangs dbang po'i ju zhag mkhan na re'ang | [7] khyod byang chub sems dpa'i sprul par 'ong zer | hwa shang mngon shes can gyis kyang khyod la phyag byas | khyod kyi spyod pa dang sbyar na'ang sangs rgyas kyi lung nas | lnga brgya'i tha ma la gnod dmar gyi yul du dam pa'i chos kyi khungs 'byin pa'i dge ba'i bshes gnyen 'ong bar lung bstan pa de'ang khyod yin par gor ma chag | ngas kyang grogs bya'i (bya'o) zer te | mthing shog la gser chus bris pa'i chos bam po stong gnang | bya dga' gzhan yang che thang du gnang | pho nya lnga slar bod du 'gro ba'i lam na pha bong mgron po rgyu mi phod pa sus mthong ba de sbos grir 'chi ba yod pa de grong khyer eg chu'i kim hwa shang nus pa can stag la ga sha 'gel nus pas bkal ba | mngon shes yod pa de kho rang gi mkhan pos bka' sgos nas zhag gsum bsgoms pas pha bong grum nas bstul (btul) shul du lha khang brtsigs | lung pa de yang zhing du rmos | lha ris bcad de eg chur 'ongs pa la bod kyi pho nya bas sgom lung mnos | ci 'gyur gyi lung zhus par | ngas bod du sangs rgyas kyi chos tshugs sam bod du sangs rgyas kyi gsung rab bsgrags na bod kyi bgegs srin gyis srog la sdo ba mi 'byung ngam | btsan po yab sras bde'am ces dris pas | rgyal bu sku nar ma lon pas | blon po nag po la dga' ba rnams kyis khrims su bcas nas chos bshig brag dmar mgrin bzang bya ba'i thugs dam cig 'dug pa rmang nas bsgyel | chos dar bar byed na khyod kyis btsan po'i zhabs sring bar mdzod la | slad kyis rgyal po de sku nar son pa dang | de'i zhal nas mu stegs rig byed kyi chos gcig gleng du 'ong gis | de tsa na 'di snyan du gsol cig dang | de la rgyal bu dad pa skyes shing | de'i rjes la 'di snyan du gsol bas | rgyal bu chos byed par 'gyur ro | ces gsungs te lung bstan glegs bam gsum bskur | [8] bod la chos kyi skal ba yod | mthar chos rgyal par 'ong | de'i dge ba'i bshes gnyen za hor rgyal po'i bu dge slong shanti ra ksi ta zhes bya ba'i 'dul skal yin no | gsungs nas zla ba gnyis zan drangs | de nas nyin lam gnyis su bskyal nas gcig la gcig gis rkang pa la phyag byas te gyes | de nas zang shi (sang shi) mgrin bzang bshig pa blo la bcags nas | khong pho nya mi lnga pos rgya'i ri mgo de'u shan gyi rtse na mi ma yin gyis na bun btibs pa'i khrod du zhag bdun gyis tshar bar brtsigs pa'i arya manydzu'i pho brang yod pa las | dpe len du mchis pa'i tshe mi gcig gis ri la 'dzeg ma shes | gcig gis rtse la phyin kyang ci yang ma mthong | mi gcig gis lha khang mthong ste sgo ma rnyed | gcig gis sgo mthong ste dra ba 'dra ba zhig gis bkab te 'gro ma shes | sang shis nang du phyin nas 'phags pa 'jam dpal la sogs te byang chub sems dpa' thams cad la phyag byas | mchod pa phul | dgra bcom pa kun la yang phyag byas mchod pa phul | 'phags pa kun dang gtam byas te de'i 'dug lugs dper bya ba'i phyir yid la bzung ste phyir don pa dang | ri de'i gcan zan kun gyis phyag byas nas ri'i sgab tu bskyal nas bod du 'ongs so |
bod du yab rgyal po mes ag tshom yar 'brog rba tshal du chibs sgron pas grongs pa dang | rgyal po khri srong lde btsan dgung lo brgyad lon pa dang | chab srid gzhes (bzhes) ma thag tu sku nar ma son pas | zhang ma zham (Zhang) khron pa skyes na re | rgyal po sku tshe thung ba chos byas pas lan ste bkra mi shis | tshe phyi ma skye ba len bya ba rdzun yin | tshe 'di'i rkyen bzlog bon gyis bya | chos su byed pa pho reng du mthar spyug ces 'og tu bshad pa bzhin zhang ma zhang gis blon chen chos la dga' ba mang bal gnyis la skyon phab ste bod nag por btang | ra mo che nas gser gyi lha shâkya mu ne de rgya'i lha yin pas slar rgya yul du bskyal bar bya zer ba las | [9] lha de dang po rta pa gcig gis pang du theg pa de ma theg pas 'breng pa'i dra bar bcug nas mi sum brgyas sgor phyung | de nas stong gis drud nas mkhar brag dong gi thad kar phyin pa dang | mi stong gis kyang ma theg nas de nyid kyi bye thang du sbas nas 'ba' rje 'khol la gtad nas bzhag | rgya'i hwa shang rgad po gcig dkon gnyer byed cing yod pa de yang slar rgya yul du bskrad | hwa shang gis rgya bod mtshams su phyin pa dang | hwa shang gi mchid lham ya gcig kha sang gi dro lam du lus par gyur pa dang | hwa shang gi mchid nas nga'i lham ya gcig kha sang gi dro lam du lus pa ni da rung chos me stag tsam gcig bod yul du 'byung zhes zer skad | mkhar brag gi lha khang ni rmang nas bskyel | mgrim bzang gi lha khang ni bshig | cong ni mchims phu'i g.ya' la bsgyel | de nyid da ltar gyi bsam yas dge rgyas kyi cong lags | de ltar chos bshig pa'i tshe | lha sa dpe dkar du bzo grwa bgyis bshas byas nas lder bzo la lpags pa g.yogs | phyag la nang cha dang lug khog bskal (bkal) | phyin chad bod la mi shi na tshe zhes pa dge ba bgyid du mi snang | rgya'i lha chos bgyid pa gcig mchis na | pho brang (reng) du stag (rtag) tu spyug zhes khrims bu chu (chung) bcas pa'i tshe | dam pa'i chos bshig pas | dus phyis zhang ma zhang ni lce dang rkan skas (gas) te gum | zhang khri thog rje thang la 'bar ni thang la brgyal brgyal nas a a a zhes lan gsum 'bod 'bod nas rgyab gas nas shi | lcog ro skyes bzang rgyal gong ni lce dang rkan dang | rkang lag ril gu gu thul du song nas gum | bla 'og gi mi dang ltas mkhan kun mthun par rgya lha khros te | rgya'i lha sa them du bcug pas rgya'i lha ma dga' zhes zer nas | rgya'i lha'i mes po dang po rgya gar yul nas 'ongs par nges pas shâkya mu ne'i mes po rgya gar dang nye ba mang yul du skyel bar mo bzang nas bye dong nas bton nas mang yul du dre'u gnyis kyis khyogs bgyis nas bskyal pa'i dus su yul ngan chen po byung | [10]
'bangs gum pa la tshe zhes pa dge ba bgyid du mi gter (ster) bar khrims bu chung bcas pa'i 'og tu | ba lam klags na sba gsal snang gi bu ming sring gnyis dus gcig tu gum pa'i tshe | lha'i yab mes kun na re chos bden zer | hwa shang la 'dri snyam nas hen khang nas hwa shang mngon shes can rgan po cig yod pa bos te zhus par | tshe snga phyi yod dam | chos bden nam zhes dris pas | hwa shang na re | tshe snga phyi yod | chos bden zer bas | sgor ni bon bgyid du btsal | nang du ni gyod dang bsdos te lha mi stong la 'tshal btsal te tshe bgyis | ra mo che nas hwa shang rgad po de bkug nas bu ming sring gnyis kyi bdun tshigs zhus pas | hwa shang na re | lhar skyes pa dga'am | slar khyed kyi bur skye ba dga' zhes gsungs | pha ni lhar skye bar dga' bas lhar skye bar zhu byas | ma ni bdag gi bur skye bar dga' bas de ltar zhus pa la | hwa shang gis bu'i rus bu la cho ga byas te gdung sha ri ram du song bas lhar skyes par lung bstan | yang bu mo'i khar mu tig sran ma tsam ldan pa g.yon du mtshal chus bkus (bskus) pa cig bcug nas yid ches pa'i rtags su cho ga bgyid nas rdza 'og tu bcug ste ma'i mal 'og tu sbas nas sang phod khyod rang gi bur skye'o zhes lung bstan pas | sang phod gsal snang gi khab la bu gcig skyes pa'i kha nas mu tig ldan g.yon dmar por byung bas | mal 'og rdza gog kha che phye bas shul ha re 'dug | btsas nas lo gcig lon pa dang | ma bslabs par zhang dang ne ne mo yang ngo 'tshal | ming yang ngo shes te | sngon ma gum pa'i tshe bzhin 'bod pa sogs rtags dang mtshan ma mang du byung bas tshe phyi ma yod pa shes | de nas rgya'i hwa shang de las gsal snang gis sgom lung nos te | gzhan la gsang zhing brtag tu bsgoms pa'i rjes la | sangs rgyas kyi gsung rab 'tshol ba'i slad du rgya gar yul dang bal yul du 'gro bar rje'i snyan du gsol ba las | [11] rje'i thugs la 'di chos la dkar bas rgya gar yul du 'gro bar nges snyam du thugs dpag mdzad nas | 'o na ngas mang yul gyi kha blon du bko'o (bsko'o) gsungs nas der bskos te mang yul du mchis |
slar zhang ma zham (zhang) gis rgya'i lha chos bgyid du mi gnang ba yang | lung bcag nas thal byung du rgya gar yul du rdo rje gdan gyi ma hâ bo dhi dang gtsug lag khang shrî na len dra la mchod pa bgyis te yon phul bas dgun zla 'bring po la char bab | byang chub chen po'i byang chub shing las 'o ma byung | bal yul du ston mo sa rba wa se bgyis | gtsug lag khang {hen khang} du yon phul nas | mchod pa phul ba'i rjes su | dge'o zhes sgra dang 'od byung | bal rje la ngo chen zhus nas | mkhas shing gsal ba yon tan mang po mnga' ba'i | shânta rakshi ta bod kyi skad du zhi ba 'tsho | bo dhi sa twa zhes su grags pa de mang yul du spyan drangs | mang yul du gtsug lag khang gnyis brtsigs | bal yul du bal rje'i 'bangs byas | rkyen ris bcad | rgya gar dang bal po'i mkhas pa kun las chos bslabs | gsal snang gi khyim du bshos gsol te | yon phul | chos zhus pa'i rjes la | bod kyi rgyal po'i dge ba'i bshes gnyen mdzad cing gshegs par ci gnang | bdag la sems bskyed kyang zhu zhes gsol ba las | mkhan po'i zhal nas sems bskyed zhu na yon phul cig ces gsungs | der gser dngul la sogs pa'i rar"Hna dang | zo rid dang | zab dar dang | ber dang | bya skyogs dang | gu ru dang | snam gos la sogs pa rung ngo 'tshal ma lus par phul | da rung phul cig ces gsungs pas | cang med kyang lus la 'tshal ba'i skye rags dang | ral ka yang phul ba dang | sems bskyed gnang | de'i rjes la | mkhan po'i zhal nas | nga bod kyi 'dul skal yin te | [12] bod kyi rgyal po shrî btsan po dang | khyed gnyis ma skyes pas | bod kyi rgyal po gdung rabs dgu rjes kyi bar du ngas rgya gar | za hor yul dang | bal yul na phar 'gro tshur 'gro byed cing sdod sdod cing 'dug | da shrî btsan po dang khyod gnyis nar son te dus la bab pas | yul byan kar du chu bo lo hi ta'i 'gram ri has po ri'i drung | yul brag dmar na bsam yas lhun gyis grub pa zhes bya ba'i gtsug lag khang gcig rtsig cing dge ba'i bshes gnyen bya'o | khyod ni tshe 'di la ngo shes shing sems bskyed pa ma yin te | tshe rabs du ma'i sngon rol nas sems bskyed pa yin te | tshe rabs du ma'i sngon rol nas sems bskyed pa'i chos kyi bu rabs yin | ming yang ye shes dbang por gdags so zhes gsungs nas spyi bo nas phyag gis byugs nas byil byil mdzad | zhus pa rnams bkas gnang | de'i tshe nam mkha' las dge'o zhes sgra lan gsum byung ste 'od kyang byung ngo | de nas yon phul ba kun slar btsal nas gcig kyang ma bzhes | mkhan po ni slar bal yul du gshegs |
gsal snang mar 'ongs | btsan po'i zhal mjal du tshes gcig la mchi bar pho nya btang te snyan du gsol ba las gnang te | rlung tshugs las pho brang du mchis nas rje la zhe sa phul ma thag tu | rje'i zhal nas | gsal snang khyod lha chos sha stag byed cing 'dug zer na | khong gis sphyugs par ma dogs sam | zhes bka' bstsal pa dang | lan du pham phab grangs (drangs) pa'i tshe | sa dben par bsangs te | rje la lha chos bzang po mdzad par rigs pa dang | mkhan po bo dhi sa twa bya ba mkhas pa btsun pa | mngon par shes pa mnga' ba la sogs pa yon tan du ma yod pa gcig la dge ba'i bshes gnyen zhu bar phul ba la sogs pa gsol ba las | mkhan pos 'di skad gsungs zhes zhib tu zhus pa las | [13] rje'i zhal nas | zhang blon gyis khyod gsad par 'ong gis | ngas zhang nya bzang la lkog tu bsgos te zhang blon gyi mdun grwar khad kyis gsol du gzhug go | khyod re zhig yul du song la yibs la sdod cig | ces bka' bstsal nas | gsal snang yul du mchis te sgom mo |
de nas de'i tshe[1] | sba sang shis rgyar phyin pa'i pho nya'i sug las grub nas slar bod du mchis pa las | rgya rje'i lan dang skyes dag kyang btsan po'i phyag tu phul | blon chen po'i thabs bstsal | ming rgya phrug mdzangs por btags | rgyal bu sku na ma son pas rgya'i chos rnams mchims phu'i rdza gseb tu sbas so | yang rgyal pos zhang zhung yul gyi skor gnyan po yod pa blangs te skor mdzod du blug pa'i pho nya mang du btang pa las | snga phyi gcig kyang ma log pas rgya phrug 'di btang na lon 'ong zer nas skor blug pa'i pho nyar btang ba las | lam du zhang zhung gi lha mo | mu tsa len dang mjal ba la lha mo de ro smad ni g.yu'i na bun gyis 'khrigs | ro stod ni mu tig gi sen mo do dang rin po ches brgyan pa gcig sang shi la thal mo sbyar te phyag bgyis shing | rin po che'i rgyan gyis mchod de smras pa | byang chub sems dpa' khyod mkhar nag po'i skor blug tu gshegs pa na bdag gi rta ser po rngog nag 'di la chibs la khyung lung gi sgor phyin pa dang | gya rta'i lcag 'di snga ru la chings la | snod nang du bskor (skor) blug cig dang | nyer zho ma mchis par gyur | zhes smras nas mi snang bar gyur to | de nas sang shis rta rngog nag de la zhon nas gya rta'i lcag lag tu blangs nas khyung lung du phyin pa dang | lha mos gdams pa bzhin du mkhar sgor rta btags nas rta'i lcag snga ru la bsgrengs te bcings nas bzhag nas | sang shis skor gnyan po ril blug ste mkhar bdag mchis pa'i khang pa yi sgo phye ba las nang na mi 'dom bcu gnyis pa gcig nyal nas mchis pa las | sang shi gda' [14] nas langs shing thal mo sbyar te phyag 'tshal te | sngas na gser skyogs run chang gis gang ba dang | bdun du g.yu 'od me 'bar ba bzhin du 'dug pa gcig gnyis sang shi la phul | de nas yang glan gyi mdzod phye na | g.yag skad ni ngur | rta skad ni 'tsher | rwa skad ni sbrid | mi ya lad can dag cig kyang yud yud gda' | sgrom bzhi'i nang na glan gyi me long mchis pa kha phye nas | zur mo khab kyi mig tsam gcig phye bas rgyal po'i pho brang dang | snang srid thams cad dang | bdag gi glo snying nang khrol kun kyang de na gda' nas slar sbas te | sgor phyung nas gya rta'i lcag chu phyed tshal du gas nas gda' skad | sang shi dngos bod yul du 'khor |
de nas ring shig na rgyal bu sku nar son pa dang | yab mes kyi yi ge gzigs nas zhang blon rnams dang gros mdzad pas | nga'i yab mes kyi yi ge na 'bangs bde ba'i tshis rgya'i le'u tshe dang sbyar na nga'i yab mes kyi le'u tshe dang de ci 'dra gcig bdog zer | der btsan pos rgya bzang me mgo la gsungs pa | nga'i yab mes kyi sku ring la rgya'i gtsug lag le'u ke tshe zhes bya ba zhig 'byung zhes grags na de ci lta bu zhes gsungs pa dang | me mgos le'u tse khang ji ltar lags pa'i yi ge bklags pa dang | btsan po'i zhal nas gtsug lag de te por bzang ngo | nga'i yab mes kyi chos lugs bzang po cig sku nyams su bzhes so zer nas | da 'jig rten gyi spyod pa bzang po ci 'byung ba lta | zhes gsungs pa dang | sang shis bsams par | sngar gyi hwa shang mngon shes can gyis nam rgyal pos mu stegs kyi chos cig gleng ba'i dus su lha chos snyan du gsol cig bya ba ni 'di yin pa 'dra zhes bsams nas | sang shis gsol ba | rgya'i lha chos bzang po byung na le'u tse khang de dag de'i phru ma'i sgor yang mi tshud do | zhes gsol ba dang | btsan po'i zhal nas | rgya'i lha chos bzang po'i [15] gtan tshigs khyod la yod dam | zhes bka' rmed pa dang | bdag cag rgya la mchis so zhes gsol nas | rje 'bangs dben par gsangs te | dharma mchims phu'i rdza la sbas pa'i nang nas blangs te | kim hwa shang gi lung bzhin du brims pa dang | dang po dge ba bcu'i mdo bklags | de la rgyal po dad pa skyes | spyod pa dag par go de nas rdo rje gcod pa bklags | de lta ba dag par go dad pa cher skyes | de nas sa lu ljang pa bklags | lta spyod zung 'brel du go nas chos la yid ches | la la nas dang po dge ba bcu dang | phung po lnga spyan sngar brims nas bzang rab ces 'byung | de 'og sa lu ljang pa spyan sngar brims nas chos thams cad rgyu rkyen las byung bar thugs ches nas zer | btsan po'i zhal nas | 'di lta bu'i chos bzang po ni nga'i sku ring la rnyed pa gnam byams so | sa byams so | lha thams cad la btang rag btang ngo | gsal snang yang nga la lha chos mi spyad du mi rung zer ba yang bden | lha chos 'di lta bu phyag tu phul ba 'di las dga' ba med kyis | gsal snang la ni dngul gyi g.yung drung gi steng du gser chen po byin no | sang shi la ni phra men g.yung drung gi steng du gser chung ngo byin no | khyod kyis spyan drangs pa'i rgya yul gyi dharma kun dang | mang yul gyi chos rnams | rgya me mgo dang | rgya gar a nanta dang | rgya las skad mkhas pa su yod bsgyur cig ces bka' bstsal nas | de gsum gyis {has po} ri'i bye khung du chos bod skad du bsgyur ba'i drung du | zhang blon chen po ngam lam rtag ra klu gong dang | zhang ma zhang la sogs pa mchis te | dre po khyod gsum de na ci byed | zhang ma zhang gi khrims bu chung las | mi shi ba la tshe byed na pho reng la gtan du spyug | lho bal gyi lha mchod du mi gnang ba ma thos sam | bya ba mang | 'dug mi phod pa de ni chos kyi skad 'dra na | rje'i snyan du gsol ba las bye ma'i nang du bsubs la phyis khrims bu chung dang sbyar te shags gdab [15] bam | zhes pa la sogs pa bka' yo gal 'chos pa'i mdun sa nas mchid nan drag po brdas pas | de sang shis rje la gsol bas | btsan po'i zhal nas | gsal snang slar ma 'ongs kyi bar du dar cig ma bsgyur bar zhog cig gsungs | zhang blon chos la dga' ba dag gis sba sang shi stod kyi pho nyar gsal snang gi grogs su btang par zhus pas | btsan po'i zhal nas | sang shi lta bu rgya phrug mdzangs pa zho sha phul te dam pa'i chos blangs pa'i steng du | stod du mngags nas shi na 'phangs so zhes gsungs | stod nas slar ma log na bu yang med | rabs chad do zhes gsungs pas | sang shis gsol pa | rje lha sras dang bo dhi satwa dang | sba gsal snang dang | bdag cag rje 'bangs smon lam gcig pas | chos gzugs pa la bdag kyang rten tsam du 'tshal bar bab kyis | bdag rab mi 'gum | stod du mchis kyang rgya gar yul nas dge slong khrims nyams pa gcig shi tshe 'das ma thag tu bdag gi bur mchi'o | zhes gsol |
de nas rje blon la zhang nya bzang dang | 'gos khri bzang dang | chos la dga' ba'i blon po kun 'tshogs nas chos bya bar mol gtam byas pa la | zhang nya bzang gis snyan du gsol ba | mes srong btsan gyis lha chos mdzad pas bod du legs dgu byung ba dang | lha sras yab kyis kyang mdzad pa las | yab nongs pa'i 'og tu zhang ma zhang gis bshig | rgya'i lha de dang po rta pa gcig gis pang du theg pa slar rgya yul du skyel bar chad pa'i tshe | mi stong gis kyang ma theg | mang yul du skyel ba'i tshe dre'u gnyis kyis kyang theg | chos bshig pa'i zhang blon 'ga' zhig kyang sngar bshad pa ltar gum | bla 'og gi chab srid dang bltas mkhan yang rgya'i lha khros pa las byung zer ba dang sbyar na | sku dang chab srid la mi gnod pa glo ba chung | rgya'i lha yang slar blangs la mchod cing | [17] sngon lha sras yab gyis chos mdzad pa bzhin mdzad na legs pa 'dra yis kyang zhang ma zhang ro ngan la chos la mi dga' bas thugs dgongs mi 'grub te mchi | zhes gsol pa dang |
blon chen po 'gos khri bzang yab lhag na re | de la thabs bgyi bar rngo thog gis kho bo'i rjes su rting gnon mdzod | slad nas rjes dgongs pa sgrub bo zer de ltar chad byas |
blon khri bzang gis bla 'og gi phyag sprin dang | mo pa dang ltas mkhan kun la lkog tu bya dga' bstsal nas | rgyal bu sku chags che | chab srid la gnod pa 'ong par lung mthun par smrar bstsal | de la ji ltar bya ba'i lung smrar bstsal ba las | rje'i sku'i rim gror zhang blon su che ba zung gcig | dgung lo gsum chad par dal (dur) du bcug na rje'i sku tshe dang chab srid 'phel lo zhes lung phog | de skye bo 'du sa kun na mang du gleng pa dang | yang blon khri bzang gis shul lam 'grim pa'i mgron po rnams zhang ma zhang snyung chen po gda' ba'i gleng yod pa de bden no zhes thos tsam smrar bcug | zhang ma zhang gis thos pas glo ba la bcags par gyur | nub phyogs kyi rgan mo gcig gis kyang zhang gi ngo la ce re bltas ste | zhang ma zhang ni rje'i gdung gsob pa bod 'bangs yongs la gces te | snyung chen pos thebs zer ba bden nam zer bas | zhang ma zhang snyam na bden nges snyam ste rang gi khyim du bub nyal byas te ngus pas | nang 'khor pa na re | ci nyes zer | nga la nad chen po byung ngo zhes rgyal khams kun na gleng zer | rgyal khams kyi kha la ra ma med cang mi bden zer yang | zhang gis me long la bltas pas rgas 'dug pas | rgyal khams kyi kha la ye shes kyi spyan yod zer ba de bden zer nas | mya ngan cher byed do |
de blon po khri bzang gis thos nas | rje 'bangs kun 'tshogs pa'i dus su | zhang nya bzang gis rgyal bu sku chags che ba'i rim gro bya bar gsol bas | blon khri bzang skad nas de'i sku blud bya bar rigs so zhib tu smra na | [18] de la rje'i zhabs tog pa su che bas khas long zhes zer bas | blon chen po 'gos khri bzang na re | rje'i zhabs tog du'ang de che | bu tsha'i dge dang yig tshang du'ang de che | blon po nga bas che ba su yod | gcig ngas byed zer | zhang ma zhang na re | blon po nga bas che ba ni med na | rje'i zhabs tog pa gcig ngas byed zer khas blangs | da chad pa gar rtsig ces gleng pas | 'gos na re | pha rir bya'am | yang na 'ju'i yang bzangs su byed zer pas | zhang ma zhang na re | sna nam brang phur rtsig go zhes rmang bres pas | zhang ma zhang gis 'phrigs nas rdo dga' mo sna nas skyos shig zer | chus mi 'brel ba'i thabs byed pa la rwa mthud pa'i khron par chu nang du 'ongs nas phyir 'gro ba byas | mi ltogs pa'i zas mang po dang | mi 'khyag pa'i gos dang | mi sub pa'i gseng la sogs pa yang byas | chad pa 'byongs nas blon po gnyis nang du mchi bar mi rung bas | lo ste gu sna gong dang | 'gos rgan gnyis gros byas nas | 'gos kyis rkang la bya rgod kyi lham gyon | lus la pha ba dgo dgo'i thul pa gyon nas blon chen po dang | zhang ma zhang nang du chud pa dang | 'dir zhang gi gzim mal bya | 'dir nga yi bya | 'dir chu bzhag go zer zhing phar 'gro tshur 'gro byed pa dang | zhang ma zhang yang phyir spri li li 'brang | de'i mod la 'gos kyis thal mo brdabs nas pha gi na ci yin na zer nas bros pa'i rkang pa nas [zhang ma zhang gis] bzung bas bya rgod kyi spu spar ba gang lag na gda' | pha ba dgo dgo'i thul bas mig gis ci yang ma mthong | lo ste gus | sgo pha bong gis bkag | 'gos rgan gyi lto 'og nas song ba zhes nang na 'khun ring zhig na | khyim bya'i skad grag pas chu shor snyam ste dre'u yos zan lag pa brdungs pa'i sar brkos pas chus mi 'brel ba'i rwa mthud pa'i thabs de bshig | nang nas mda' la yi ge bris te sna nam pas brus zhes bya ba phyir 'phen | de ltar zhang ma zhang chos la mi dga' ba la skyon phab pa'i las de grub pa dang | [19] der rje blon tshogs pa'i dus su | zhang nya bzang gis snga ma bzhin gsol ba dang | lha sras kyis bka' stsal pa | zhang zer ba bden | nga yang de ltar dgongs pas | zhang blon dag gros bya'o | zhes bka' btsal pa dang | slad kyis rje blon mang po tshogs pa dang | rgyal po bka' stsol du bcug par | nga'i yab mes kyis lha chos mdzad pa zhang ma zhang gis bshig pa de te por ma legs | zhang nya bzang yang 'di skad zer bas | rgya'i lha yang slar spyan drangs | nged rang kyang chos byar rung pas bya gsungs nas | chos bya bar gros 'chams nas | da chos byed pa la mtha' nas 'ongs pa'i rgya gar dang bal po'i mkhan po las | chos mkhas pa'i lo rgyus can su yod dam smra dgos kyi ces gleng pas | rje'i zhal nas | ba lam klags na sba gsal snang yod | de nga'i drung du bos zer bas | pho nya btang te sba gsal snang bos nas spyan sngar mchis te | rgyal pos zhang nya bzang zer ba'ang zhib tu gsungs nas | rgya gar dang bal yul na chos mkhas pa su yod | spyan drongs shig par bka' btsal ba las | gsal snang gis gsol ba | sngon ni rgya gar za hor yul na mchis | da lta ni bal yul na mchis te | sngon za hor gyi rgyal po'i bu | dge slong shanta rakshi ta zhes bya ba gtsug lag la mkhas pa cig mchis lags zhes gsol |
lha sras kyis bka' btsal pa | de mi dgug tu mi rung bas khyod yul du ma 'gro bar bal yul du song la | bal rje la khyod kyis nga'i 'phrin bgyis la | nga yi sgrom bu yang byin te | za hor gyi bandhe de ci 'khugs su bsgrubs la | cha khyer la shog cig ces bka' bstsal pa dang | thal byung du mang yul du mchis te | bka' sgrom yang bal rje la phul nas | mkhan po bod yul du gshegs par gsol te zhus pas | gnang ste slob dpon gyis bal po'i lo tsâ ba zhabs 'bring du khrid byon | [20] mang yul du spyan drangs nas | pho brang du pho nya btang te mkhan po mchis par bgyis te | mang yul na mkhan po mchis zhes gsol ba las | nang 'khor lang gro snang ra dang | snyer rtag btsan lhong gzigs dang | sbrang rgyas legs gzigs dang gsum mang yul du bsur btang te | khyod gsum gyis rim gro bgyis la | lha sa dpe dkar {hen khang dpe dkar kyang zer} du chags phob cig ces bka' btsal pa dang bka' las byung pa bzhin | blon po de dag gis bsus nas | zhabs 'bring byas te mchis nas | mkhan po dang nang 'khor lang gro snang ba ni lha sa dpe dkar du bzhag nas | btsan po'i zhal sngar phyag 'tshal du btsas bar ni da rung chos pa bzang ngan ci lags btol ma mchis nas | ra sa dpe dkar du bzhugs su gsol te | gsal snang ni pho brang du mchis te bsnyen bkur bcug pa dang | zhang blon chen po dag gis gsol pa | lho bal gyi bandhe chos log pa dang | ngan sngags phra men gyi bag bgyid dam mi bgyid | dngos la rtogs su btang par gsol pa las | mchis mes lhas kyang zer | sba legs gzigs dang | seng mgo lha lung gzigs dang | sba sang shi gsum btang pas brtag na a tsa ra'i skad ma go | dar tshags sgo bseg gi tshong 'dus na | kha che skyes bzang gi bu â nanta lo tsâ slob 'phro la chad pa byung nas tshong byed pa la lo tsâ bcol nas â tsarya ci 'dra dris pas | spyod pa legs so cog la mi bya ba med | nyes so cog la mi btang ba med | lhar dkon mchog gsum mchod | gtso bo sems can la phan pa bya zer nas mchis | de rje la gsol nas spyod pa rgya chen por 'chad | thugs 'phrigs bzhes mi 'tshal zhes pa'am | yang na lugs gcig la | ngan sngags phra men mi mthun pa'i phyogs ni mi bgyid | khong rang gi lha sangs rgyas ni srog chags kun la phan pa bgyid cing | mkhan po dngos ni spyod lam bzang po | nyes so cog dang | gzhan la gnod pa'i bag mi bgyid | [21] legs so cog dang srog chags kun la phan pa ni lhur bya dgos | zhes zer te spyod pa bzang po rgya cher bshad de |
thugs 'phrigs zhes (bzhes) pa'i bag ma mchis zhes gsol nas | pho nya bas â tsarya sgo na bzhugs so zhes gsol bas | pho brang du spyan drangs | pho brang brag dmar du zhal sngar mjal ba dang | nga la nye brtag go gsungs gser phye bre gang gi phyag rten byas te phyag 'tshal ba dang | mkhan po'i zhal nas bdag ngo mkhyen nam zhes gsungs |
btsan po'i zhal nas | bdag gis de snga zhal ma mjal ces gsungs | mkhan po'i zhal nas | sangs rgyas 'od srungs kyi bstan pa la gtsug lag khang brgyan (rgyun) bsrungs kyi byis pa gsum gyi tshe | bye ma'i mchod rten byas te | ngas pan ti ta bya ba | khyod kyis mtha' 'khob rgyal po bya ba | gsal snang gis bang chen byas nas nged gsum gyis mtha' 'khob rgyal khams su dam pa'i chos dar bar bya bar smon lam btab pa mnyel (bsnyel) lam zhes gsungs pas |
btsan po'i zhal nas | de mad | sgom yun rung bas ma dran zhes gsungs | â tsaryas nye brtag pa ni | rgyal pos â tsarya la nye brtag lags sam zhes zhus pas | zhal nas brtag ste | rgyal po khyod kyi dbu la thod bcings pa dang sbyar na | stod du mnga' ris zhwa tsam pa cig chags | zhabs la chags gsol ba dang sbyar na | smad du mnga' ris lham tsam cig chags | sku la ske rags ma bcings pa dang sbyar na | bar skabs 'dir rgyal po'i khrims myur du 'jigs nyen yod | 'on kyang rin po che'i phyag rten phul bas | dam pa'i chos byar btub gsungs |
de nas pho brang rlung tshugs su kha che â nan tas lo tsâ bgyis nas | dge ba bcu dang | khams bco brgyad dang | rten 'brel bcu gnyis kyi chos la sogs pa'i chos bshad de | zla ba bzhi {zla kha gnyis lon kyang zer} lon pa dang | 'dre srin nag po la dga' ba kun ma dga' nas | pho brang 'phang thang chus khyer | [22] lha sa dmar po ri la thog rgyab | mi nad dang | lo nad byung pas | bod 'bangs mang tsam kha log nas btsan pos chos byas pas lan no | â tsarya yang spyugs shig ces zer nas | dam pa'i chos bgyid ma gter (ster) â tsaryas rnga khang steng na dar dkar gyi yol ba'i nang na sgom byed pa la | rgyal pos sba gsal snang dang | sba sang shi {'ba' zer ba'ang 'dug} dang | zhang nya bzang dang | seng mgo lha lung gzigs dang | snyer rtag btsan ldong gzigs dang lnga zhabs 'bring du khrid | gser phye bre gang khyer nas | mkhan po dar dkar gur nang na sgom pa la gser phul | phyag mdzad nas lan bdun bskor ba byas nas | dpyang glag nas gser phye'i thum po mkhan po'i spang du bor te | de lta bu nub gsum mdzad pa'i bar la | btsan po'i zhal nas | bdag skal ba chung ste bod kun nag po la zhen pa'i dus su skyes pas de las bzlog pa rab tu dka' | thabs mi mkhas na lha chos mi 'grub par 'gyur bar glo ba chung bas | re shig mkhan po slar bzhud la bal yul du bzhugs shig | slad nas zhang blon dag la chos mi bgyi mi rung bar dal bus thabs kyi brid de rngan pa byin nas | btub ma thag tu spyan 'dren btang ngo zhes bka' bstsal | â tsaryas bal rje dang 'khor la gser phye 'khyor gang bsnams nas | gzhan ni slar rgyal po nyid la phul te | mkhan po'i zhal nas | sngar yab mes kyi sku ring la lha klu gdug pa can dam 'og tu ma btsal bas bod khams gnod sbyin mthu bo che chos la mi dga' ba'i dbang du song bas | chos mdzad pa'i tshe | gzigs ltas ngan pa byung ba dang | chos ma tshugs pa dang | rgyal po sku tshe thung ba yang 'di las gyur pas | slad kyis dam chos mdzad na | lha klu dam 'og du stsal mdzad 'tshal te | u rgyan gyi rgyal po'i sras dge slong padma sambha zhes bgyi ba dzam bu'i gling na sngags mkhan 'di las mthu che ba mi bzhugs ste | bdag gis de spyan drangs la bod khams su chos 'byung ba lnga brgya'i tha ma la bab pas | [23] mu stegs kyi rgol ba ni mi mchi | nang pa sangs rgyas pa nyid dam | gzhan zhig 'dran ('gran) zla gcig 'tshol ba byung na | rdzu 'phrul ni padma sambha wa dang 'dran ('gran) | gtan tshigs bdag dang shags su 'gyed la padma sambha was dam 'og tu bstsal na | rgyal po'i dgongs pa yang 'grub | sangs rgyas kyi chos kyang slad rjes brtan par 'gyur gsungs bas | de bzhin rje 'bangs chad nas | â tsarya bskrad pa ltar byas te yar bzhud pa la | seng mgo lha lung gzigs slan chad sha mi 'tshal ba'i sdom pa blangs te bsrung ba las | phyis mar mi 'tshal ba'i sdom pa blangs te â tsarya glang sna gru tshugs su bskyal | de nas lang gro snang ba dang | gsal snang gnyis kyis mkhan po bal yul du bskyal | de nas slar pho brang du log |
btsan pos sba gsal snang chos kyi spyan par bkos (bskos) nas | gsal snang rgya nag yul du pho nyar 'chi (mchi) bar mchid kyis 'tshal te | bla nas dgongs pa bzhin 'grub na dngul chen po bla thabs su bstsal bar brtsigs bcas nas chad byas so | slad nas btsan pos ni chos mdzad par zhang blon mtha' dag la thabs kyis bka' bstsal bar rje 'bangs chad byas te | pho nya'i kha dpon ni sbrang gtsang bzher | 'og dpon ni sba {'ba' zer ba'ang 'dug} sang shi chos kyi spyan pa ni sba gsal snang la sogs pa dpon g.yog sum bcu 'chi (mchi) bar chad do |
de'i tshe rgya'i pho nya bum sangs dbang po'i drung na ju zhag mkhas pa zhig nyin gcig bzhin du gtsug lag rtsi ba zhig mchis pa des | dbang po la gsol pa | nub phyogs nas pho nya ba zhig de ring sang lam du zhugs te zla ba drug dang | zhag drug na bum sangs su phyin par mchis | pho nya'i nang nas byang chub sems dpa' gnyis zhig mchi | zhes gsol pa dang | cis shes dris pas | nga'i ju zhag gi rtsis las byung ste | de'i rtags dang sha tshugs 'di 'dra'o zhes nas 'bag gnyis bris | [24] dbang pos kyang rgya rje'i spyan sngar pho nya btang ste | gtsug lag mkhan gyis ji skad zer ba bzhin gsol ba dang | bka' lan las byang chub sems dpa'i sprul pa de gnyis 'bag bris la | de dang mthun pa'i pho nya 'ongs pa dang | rim gro phu dud bskyed la sdod du ma gzhug par mar thongs cig ces bka' btsal pa dang | 'bag bris pa dang zla ba'i dus bzhin du pho nya bum sangs su phyin pa dang | spyan pa dang 'og dpon 'bag bris pa dang mthun nas | dar gyi lding khang du bcug nas rim gro dang phu dud bskyed de shing rta la bskyon | kha dpon dang pho nya phal ni rta la bskyon te keg (keng) shir phyin pa'i tshe | pho nya ba rnams kyis rgya rje la phyag byas te | pho nya gzhan slar log zer | sngar byang chub sems dpa'i sprul par grags pa gnyis mchi bar grags pas ming yang dar khang dar khang zer | shul thog thag du hwa shang dang | rgya 'bangs dad pa can sprin bzhin du 'dus te | pho nya lding khang can gnyis la mchod pa cher bgyis nas keng shir bskyal | rgya rjes kyang rtsig ngos dang | ka ba dang | nam mkha' kun dar gyis g.yogs te bkab nas | gdug spos dang rol mos mchod de | ci dga' bar rang nyams su gnang | sba gsal snang khyod ni byang chub sems dpa' yin par nges | sngar 'bag bris pa yang 'di yin | hwa shang mngon shes can na re | khyod ni byang chub sems dpa' rta skad ces bya ba'i sprul pa yin no yang zer | da yang spyan dang 'dra bar dar yug nyi khri bod kyi rgyal po la 'bul | nga'i thugs su khyod las 'thad pa ma byung na | khyod bya dga' ci 'dod pa sbyin no zhes bka' btsal pa las | gsal snang gis gsol pa | rje'i zhal mthong te glo ba dga'i steng du gzhan dang mi 'dra bar bka' lung snyan par gnang ba de las bya dga' che ba ma mchis na | gzhan ci yang mi 'tshal ste | sgom lung 'bogs pa'i hwa shang gcig dang sprad par ci gnang zhes gsol pa dang | rgyal pos [25] gnang chen nyung 'dus shig rgya rje'i go ru (gu ru) la bskyon nas btang bas | eg cur phyin nas | hwa shang bkug te mchis pa las | de las sgom lung dang man ngag mnos te bsgoms nas 'gro khar yang gsal snang la bya dga' ya lad rgya bye'u gser shog srang brgya pa gcig dang | dar yug lnga brgya | phra men gyi bya dang | phra men gyi gzhong pa srang brgya pa dang | mu tig sran ma tsam pa 'dom gang ba phreng bcu | za 'og 'be'u sen tsam hwan yug gcig | gzhan pas bya dga' che ba lhag par spags te bstsal nas | bod kyi btsan po'i bka' sgrom dang bstun pa'i chad byas | btsan po la skyes su dar yug khri | phra men gyi zhwa gcig | bla gor gyi sder 'dom gang pa gcig bskur | pho nya gzhan rnams la yang bya dga' che thang du gnang nas | pho nya'i lan dang chas nas slar bod yul du mchis |
bod du yang btsan pos zhang blon dag la thabs kyis bka' gros mdzad nas | spyir lha chos mdzad par chad bo dhi satwa ni da dung spyan ma drangs par gda' | sangs rgyas kyi chos mdzad par rje blon bka' gros ma thag tu | gsal snang rgya yul nas bod du slebs te btsan po'i spyan sngar skyes tsho phul nas phyag bgyis | bdag gi las grub bo ces gsol | btsan pos da bo dhi satwa spyan drongs zhes bka' btsal nas | gsal snang gis kyang bo dhi satwa spyan 'dren du bal yul du mchis pa dang | bo dhi satwas kyang padma sam bha wa dang | lha khang rtsig pa'i phywa mkhan dang gsum bal yul nas spyan drangs te bsdogs 'dug pas | mkhan po gnyis ka gsal snang gi mang yul nas rdzings bcas nas chu klung las spyan drangs nas snye mo'i thod dkar du gshegs pa dang | padma sam bha wa'i zhal nas | sang gi dro lam na nye tshe ba'i dmyal khams cig yod kyis | snying rje cig bya dgos bka' bstsal pa dang | rdzings chu la bskur nas 'u yug du gtor ma dang dgongs pa mdzad pas chab 'jam tsam du gyur | [26] de nas gnam gyi chu khol du byon te | der snga dro gcig dgongs pa mdzad de gtor ma btang pas chu yang 'jam tsam du red de | rlangs pa chad pa yang zhag gsum bgyis | de nas gal te la yang zer | gsho chu la la shul phyung nas gshegs pa dang | mkhan po'i zhal nas | bod khams su chos mdzad du mi ster ba'i klu dkar po phru gu mi bsrun pa {thang lha yin nam zer} gcig yod pas | de dam 'og tu gzhug cing 'dul | de'i drung na yang nye tshe ba'i dmyal ba cig yod pas der snying rje cig bya dgos gsungs nas snying drung du byon pa dang | klu tshangs pa bya ba'i mi gcig na re | mkhan po la gnod sbyin 'dul ba'i thabs lta zhes zhus pa dang | mkhan pos zangs khal tshad ma gcig phyung nas de'i nang du lung bong gi ro gcig btsos nas zangs la zhabs bsnun nas sbub pas | thang lha khros pas dgun zla 'bring po la thang lha'i gangs rtse la stug chom byung | sprin nag po gcig kyang chags nas ser ba bab | glog dang 'brug sgra drag po cig kyang byung pas | de tshun chad yul phyogs de dul te thabs kyang sngon pas g.yung par gyur | de nas de nyid du dgongs pa mdzad | gtor ma btang pas snying drung gi chu khol | rlangs pa chad nas 'jam tsan du red pa zla ba gcig bgyis | yang thang lha dam 'og tu gzhug pa'i dgongs pa mdzad pa dang | thang lha'i gwangs la sprin nag po gcig kyang chags | glog dang | 'brug dang | ser ba bab pa dang | mkhan po'i zhal nas | klu phru gu mi bsrun rab gcig rgya mtshor bros pas | de bzung la dam 'og tu gzhug dgos zhes gsungs nas | yang zhal gsum dgongs pa mdzad pas | gangs kyi stug chom yang ma mchis | yul kyang 'jam par gyur | klu yang dam pa thogs | thang lha bka' nyan du khas blangs | slob dpon gyi 'khor tho yul du byon na zan drangs par byas | la ma le shor byon pas 'phan yul ngan rta ro dmar po kha phye ba 'dra bar [ 27] nga mi 'gro gsung nas stod lung spa ral na yar byon | btsun mo 'phrang gi brag a tsa ra ro rengs pa 'dra ba 'di'i gong ma bcad na mu stegs can gyi rigs bod du 'chor gsungs nas bcad | gzhong par tshong pa dro thob gsungs nas chu ma mchis pas chab dbyung bar bya gsungs nas gseg shang yu ba sa la tham tham brgyab pas chu rka bcu byung | de la gzhong pa'i lha chur grags | de nas snye thang 'phrang du nga'i dro ran 'dug gsungs pa dang | mkhar nag gi mtsho 'di la klu btsan drag po 'dug pas 'di 'dul lo gsungs | 'di shin tu thu ba cig 'dug 'di la 'dul byed cig bya gsungs nas brag la bcom ldan 'das rdo rje sems dpa'i sku cig bskyed | bal po rdo mkhan na re | bod kyi rdo la bzo btub bam mi btub blta'o gsungs nas | brag la sha ba'i gzugs gcig rkos so |
de nas ngam shod la byon nas zung dkar 'phrang la rdo'i mchod rten lnga mdzad nas | mkhan po pho brang du gshegs nas btsan po la brda sbyar nas btsan po la phyag bzhes pa la | btsan po na re | rab tu byung ba'i phyag mi thub gsungs nas | slob dpon gyis pha bong la phyag mdzad pas pha bong shags kyis gas | btsan pos phyag phul bas slob dpon gyis snyun rmed pa mdzad | chags gar phebs ces pa dang | sang shis de'i bar du ston pa rtsig ces nas | brag dmar mgrin bzang 'khor sa sgo ma mchis pa cig rtsig tsa na | nang lha khang sgo rgya'i de'u shan la dpe blangs pa gcig tshar lags pas der phyag 'bebs par zhus | de dus â tsarya bo dhi sa twas btsan po la gsol ba | sngon sangs rgyas 'jig rten na bzhugs pa'i tshe | lha ma srin dam 'og tu ma chud pa ma mchis par rigs pa la | bod yul na dam 'og du ma chud pa'i gdug pa can mang du mchis pas | btsan po chos mdzad du ster mi 'dra bas | da lga 'di na 'dzam bu gling na nus pa che ba'i [28] padma 'byung gnas zhes bya ba 'di spyan drangs nas bzhugs pas | bod kyi btsan po srong btsan sgam po'i sku ring la dam pa'i chos mdzad du mi ster zhing lha rdzing dang | bem rdzing gdol (brtol) nas 'phang thang du chu bo che gtong ba dang | sham po'i gangs snyil ba | bod khams su mi nad dang | rta nad dang | phyugs nad | mu ge chen po sngar 'bebs pa dang | dam pa'i lha chos mdzad pa'i lha'i mkhar du thog 'bebs shing me gtong pa dang | btsan po mes dbon sku tshe thung zhing phyin ci log tu 'da' bar bgyid pa la sogs pa dang | bod khams su gzigs ltas ngan pa gtong zhing dam pa'i chos mdzad du mi ster ba'i bar chad bgyid pa'i bgegs gang lags pa rnams ri rab kyi ngos kyi rgyal po chen po bzhi mi la phab ste | de'i than las byung ba bzhin dam la 'dogs pa'i cho ga ni sngags mkhan 'dis rngo thogs | btsan po chos mdzad pa la rtsod cing rgol ba byung na phyir rgol gyi gtan tshigs smra ba ni kho bo las mkhas pa ma mchis | gtsug lag khang rtsig na ltas dang | bkra shis mi shis rtog pa dang | chos tshugs mi tshugs rtog pa'i phywa mkhan mkhas pa 'di tsam du gzhan na med pas khrid nas 'ongs pa yin zhes gsol pa dang | de ltar mdzad na dgos pa yang 'grub bo | ces gsungs pa dang | sang shis zhus pa | mgrin bzang gi mnga' gsol ba slob dpon padma la zhu'o | zhes zhus |
slon po (slob dpon) chen po ni mchis | gnang chen po dang | gnang chen gzims mal ba kun mchis te | slob dpon padmas lha mnga' gsol bas | thams cad nang nas ston par byon | nam phyed na blon po kun gyis mar me khyer nad bltas pas | nang na 'jim gzugs gcig kyang med | nang stong par 'dug | nang bar ltar phyin tsa na 'jim gzugs thams cad snga mkho bzhin bzhugs nas slob dpon padma mchod pa byed pa dang | lha rnams gtam gtong zhing rang bshos gsol ba mthong | [29] ston par bltas pas gcig kyang mi 'dug | mar me thams cad rang 'bar | rol mo thams cad rang 'khrol | spos thams cad 'bar zhing sreg | 'phan lnga btags pa lnga brgyar 'phel | lcong (cong) rang rdung zhing 'khrol | rgun 'brum rdog po snyin pa tsam pa de sus kyang 'tshal bar rngo ma thogs | de'i nang par dkyil 'khor bris nas gzims mal ba lha lung 'tsho zher snyan legs la spra bstan (pra rten) byas te | (pra) sa na pa ta phab nas smrar btsal pas | bod kyi klu mi bsrun pa ril gyi ming smras te 'phang thang du chu phab pa sham po | lha sar thog phab pa thang lha | mu ge dang | lo nyes dang | mi nad gtong ba bstan ma bcu gnyis la sogs pa kun smras | de'i sang cho ris bzang po'i bu tsha pha ma dang | mes phyi tshang ba bcu tsam bsags te pra rten bgyis nas | rgyal po chen po bzhi'i pra phab nas | gnod sbyin me lhas zhal mngon gsum du bstan | lha klu ma rung pa dngos su mi la phab nas | bsdigs shing gzir ba ni padma sambha was mdzad | dkar po la chos bshad nas dam la 'dogs pa ni bo dhi satwas mdzad | des ma 'thul ba padmas sbyin bsreg mdzad nas ma mchis par byas | de 'dra ba lan gnyis bgyis te | slob dpon padma'i zhal nas | lha klu dam 'og du chud lags te | da dung de 'dra ba lan gcig bgyi 'tshal | slan chad lha chos ci bder mdzad pa dang | gtsug lag khang dgongs pa bzhin du rtsigs shig gsungs nas | zur phud klung rgyu tshal du klu btul bas gzi can dngos su byung nas | sa'i steng na rgyal po khri bsrong lde btsan che | sa'i 'og na rgyal po nga che | nged cag grogs po byas la rgyal pos lha khang byed pa'i gser dre'u khal bcu bzhi ngas sbyin gyi | gser khur glang po snar blon po kun len du thongs zer nas dam la btags | zham po btul bas slob dpon gyi thog du chu phab | slob dpon gyis sba ba sna nas rdo rje gdengs pas chu gyen la bzlog | [30] yang lha rdzing bem rdzing du brtags (btags) | rdo rje rgyab pas chu 'khol bas | sham po khong rang gwangs zhu ba'i rtse la bsdad nas slob dpon nga la de tsam pa 'tho 'tshams pa zer | slob dpon gyis zhal nas khyod nga la mtho 'tshams pa | da nga'i dam 'og tu mi gzhug na khyod sreg go gsungs pas | nga nag po'i rigs yin | chos bgyi ba'i skabs ma mchis | da man chad gnod pa mi bya'o | nga'i drung du ser chags ma btang cig zer nas dam la btags | de nas da sbyin sreg cig bgyi'o zhes gsungs pa dang |
de nas btsan po dbu 'khru bar bzhed nas | mkhan po bo dhi satwas gsan zhing mkhyen nas | bod kyi btsan po dbu bsil zer nas chu gang las len zhes gsungs pa dang | bzhes bzlas 'om bu tshal nas len zhes gsol pa dang | mkhan po'i zhal nas | ri rab kyi byang ngos na chu mig rta sna bya ba yod | de nas chu blangs te dbu bsil na sku tshe yang ring | lha sras rigs rgyud yang 'phel | chab srid kyang che bar 'gyur | dgos dgu yang 'grub par 'gyur | chab de sus len nus zhes gsungs par | slob dpon padma'i zhal nas de ngas rngo thogs gsungs nas | ga sha'i 'og na bkra shis kyi bum pa gser las byas pa gcig kha dar dkar gyis bcad | sngags kyis btab te nam mkha' la 'phangs pa dang | je mtho je mtho la song nas slob dpon gyi 'ja' phung der rma bya'i sgros byabs pa dang | zan gcig bza' yun lhag tsam na | bum pa ser rgyang nge slob dpon gyi spang (pang) du byon | kha phye de ltas tsa na | nang na chu 'o ma 'dra ba skya nar ba gcig byung nas des dbu khrus zhes blon po kun la gtad nas dbu bshal bar bgyis nas mdun sar brims pas | mdun sa chung ngu nas lung gsal ba 'di mon gyi smyo chu yin te | sku'i rim gro la mi sman pas pho la thong zer nas ma mchis par bgyis te btang | gzhan yang u rgyan padma'i zhal nas | bod skyid par bgyi bas | [31] bai shra ma na (bai shra va na) las nor blangs te | nor med pa la nor sbyin | 'dzam bu gling gi dkor srid do cog kyang bod khams su byung | bod phyug par bya | ngam shod stod smad | grwa dang dol stag la phul po la sogs pa chu dkon pa dang | chu chung pa rnams su chu phyung la | gram pa thams cad zhing byas la | zhing gis bod kun 'tsho bar bya | gtsang po dang mtsho kun sgrom du bcug la mchong du rung bar bya | ngas u rgyan du chab 'di bas che ba gcig sbubs su bcug zhes kyang gsungs | ngam shod kyi bye ma dang | gram pa thams cad tshal dang nar sgyur | bod yul ngan pa kun bzang por byas nas | yul thams cad nyams dga' bar bya ba la sogs pa bya'o zhes | mkhan pos de ltar rgya chen por gsungs pa dang | de ltar 'grub bam mi 'grub mdun sa chung ngu nas rje blon mol te bka' gros mdzad nas de ltar 'ong mi 'ong nyams sad pa las | mkhan pos snga dro gcig bsgoms pas mtsho mo mgur gyi zhabs nar sngo phyur la btang | de'i phyi dro brag dmar zla ba tshal gyi smad nags su btang | klu rdzing du chu byung | da rung sod dang ces pas snga dro gcig bsgoms pas zung mkhar chu rjen nar bsgyur te chu mig byung ba dang | 'ong nges par 'dug pas | blon po dag na re | bod yul bzang por byas pa'i sngags mkhan gyi mthu dang sbyar na rgyal srid rgya gar gyis phrogs te 'gro | zhes mdun sa chung ngur gros byas nas 'phro dgum par chad | slob dpon gyi zhal nas | da zhing bya'o gsungs pas | zhing yar klungs gis chog | zer nas sngags mkhan la phyab byas te bya dga' chen po phul nas slar rgya gar du bzhud par zhu ba phul bas | rgyal po ma dgyes nas | slob dpon la gser phye bre gang phul | bskor ba byas | sngar ltar zhus pas slob dpon gyi zhal nas | nga gser 'dod pa ma yin te | bod mtha' 'khob du 'dre sring gdugn pa can btul la btsan po chos byar btub par bya | bod yul bzang por byas la | [32] 'bangs bde ba la dgod pa'i phyir 'ongs na | gser 'dod na 'di tsug byas pas chog gsungs nas | mkhan pos rdo dang | shing dang | rtswa dang | bye ma la sogs pa phyag gis bzung tshad red tshad gser phyer red do |
btsan po'i thugs bsrung ba'i ched du gser phye khyor gang zhig bsnams | lhag ma gzhan slar btsan po rang la phul nas | mkhan po slar gshegs khar | brag dmar 'om bu tshal du btsan po rje 'bangs nyi shu rtsa gcig la man ngag lta ba'i phreng ba bshad nas | rgyal po chen po nga'i gsang sngags 'di lta ba chos kyi sku dang bstun la | spyod pa byang chub kyi phyogs dang bstun | lta ba'i phyogs su spyod pa ma shor bar mdzod | shor na dge med sdig med du song | chad pa lta ba skyes nas phyis gsor mi rung | spyod pa'i rjes su lta ba 'brengs na dngos po'i mtshan mas bcings nas grol bar mi 'gyur | nga'i sngags sems phyogs 'di lta ba shas che ste | ma 'ongs pa na tshig gi gdeng ni shes | rgyud la 'khel ba'i lta ba'i gdeng ni ma rnyed nas mang po zhig ngan song du 'gro bar gyur ro | lta spyod ya ba ma bral ba'i 'dra min 'gas sems can mang po'i don kyang byed par 'gyur te gang zag gis bcos te 'dra min mang bas byin rlabs nyams te rtogs pa can nyung | ma slad pa 'di kun sbas na nam zhig las can 'ga' zhig gi don du 'gyur gsungs nas dpe mang po zhig rdza la sbas so |
btsan po la dbang rim mdzad nas theg pa chen po gsang sngags kyi lung gnang | phur bu 'bum sde bshad nas man ngag gzhan smon lam 'og min gyi gnas su btab | bdag dang gtan pa med pa'i sbyin bdag rnams | tshe rabs 'di dang tshe rgyud gar skyes kyang | 'og min zhes pa'i gnas mchog dam pa ru | rnal 'byor theg chen 'bras bu spyod par smon | zhes gsungs nas | sbyin sreg gi 'phro ma grub par slar yang gshegs | skyel mis chibs khrid nas yar la spyan drangs nas | mkhan po rgya gar yul du skyel mi btang pa dang | [33] blon po kha gcig na re | sngags mkhan de ma bsad na de nus pa che ste | bod la byad byas par 'ong bas mdun sa nas gsod mi bco brgyad gu ru la bskyon te btang zer | dong 'phangs kyi 'phrang du dgugs (sgug) pa dang | slob dpon dpon g.yog mang yul du slebs te byon pa'i dgongs mo slob dpon gyi zhal nas sang ni 'o cag la gnod pa byed pa dang 'tshe ba byed pa cig 'ong ngo zhes skyel ma rnams la gsungs |
de nas dong 'phangs kyi 'phrang du byon pa dang | rtag snar gsod mi bco brgyad po rnams kyis la las mda' bkang | la las gri phyung | la las mdung mnan te slob dpon la rdeg par gzas pa'i tshe | slob dpon gyis phyag rgya bcings pas mi bco brgyad pos smra yang ma shes | mda' 'gengs pa bas 'gro yang ma nus te | 'jim gzugs sam gyang la bris pa bzhin du 'dug ste | 'phen ma shes par rengs pa'i nang nas gshegs ste |
de nas mang yul gyi la khar byon nas skyel ma kun brdzangs te bkye ba las | mkhan po'i zhal nas | bod khams su lha klu dang 'dre srin dam 'og tu lan gsum bcug na btsan po yang sku tshe ring | dbon sras kyang chab srid che | sangs rgyas kyi chos kyang yun ring du gnas pa zhig na 'phro lus pa yid la bcags so gsungs | chos 'khor gcig ni 'byongs nas 'ongs te | spyir sangs rgyas kyi chos gar byung bar mu stegs kyi 'gram zla re byung nas rtsod pa byed dgos pa las | bod khams su chos 'byung ba lnga brgya'i tha ma la bab pa las chos ma byung | mu stegs la sogs pa'i rgol ba ni mi 'byung na | sangs rgyas pa nyid nang rtsod pa nyid du 'gyur zhes gsungs nas nyung dkar spar gang gtad de skyel mi mar la bzlog | da re zhig nga la mi yul na gdul bya med de lho nub mtshams su srin po 'dul du 'gro gsungs ste chibs kha nas 'phur ste | sprin gyi gseb na phar chos gos spu re gseg gshang khrol le bzhud do |
de nas [34] skyel mis gsungs pa bzhin du dong 'phangs kyi gsod mi 'bag bris pa bzhin song ba rnams la nyung dkar btab pa dang | snga ma bzhin du 'gro nus pa dang | smra shes par gyur to | skyel mi rnams slar pho brang du phyin nas sngags mkhan ji skad gsungs pa'i lo rgyus btsan po'i snyan du gsol pa dang | btsan po yang thugs la rab tu bcags par gyur to |
de nas chos kyi mdun sa ni brag dmar mtsho mo mgur du phub | gsal snang ni gnam phyi ba g.yas kyi tshugs dpon chos kyi blar bskos | dus der bon po dang blon po rnams kha log ste chos mi byed | bon bya'o zer bas | bo dhi sa twa'i zhal nas | rgyal khams gcig tu chos lugs gnyis byung na shin tu sdig che | 'o cag rtsod pa byas la khyed rgyal na nga 'gro bon spel | chos rgyal na bon bsnubs la | dam pa'i lha chos bya gsung | slad kyis chos dang bon 'gran par chad nas de la dpang po med | de nas phag gi lo la btsan po pho brang zur phud skyang bu tshal na bzhugs pa'i tshe | chos kyi kha 'dzin zhang nya bzang dang | gnyer rtag btsan ldong gzigs dang | seng mgo lha lung gzigs dang | nyang sho ma dang | bzhi po de bo dhi sa twa'i kha 'dzin dang shags 'debs su bskos | bon gyi kha 'dzin ngam stag klu gong dang | rtsis pa chen po khyung po dum tshugs dang | khyung po rtse ba dang | tshe mi dang | lcog la smon lam 'bar la sogs pa bskos te rtsod pa las | bon khungs ngan la gtan tshigs chung | lha chos khungs bzang la rgya che | zab la gting ring | shags bzang la rno ste ma thub nas | 'phags yul gyi bon pos bdur ba'i bshin (gshin) zhugs pa thams cad kyang bse rags su gyur pas | phyin chad bon bgyid du mi gnang par chad do | gshin gyi phyir gnag rta dang | srog chags gsod pa la sogs pa srog gcod cing sha 'bebs su mi gnang bar chad do | rje'i sku'i rim gro dang | bar chad sel ba la 'dre [35] srin la dus bon re byed na tshe mi dang zhang zhung ma gtogs pa gzhan bgyid du mi gnang par bcad | bon gyi dpe kun chu la bskur | ltag ma phyis mchod rten nag por mnan | de nas slan chad chos bya ba dang | lha khang gcig rtsig par chad pa dang | blon po chen po 'gos khri bzang yab lhag bshums pa la | btsan pos bka' bstsal par | khyod lha chos bya zhing lha khang rtsig par mi dga' 'am | zhes bka' bstsal pa dang | blon po chen po khri bzang gis gsol ba | lha chos ni bzang na da chos byar yod tsa na yab lhag rgas btugs pas nyams su mi lon te | glo ba la bcags lags mod | rje lha gcig | dam chos de yang gting re zab | mon bu de yang smra re mkhas | zhes gsol pa dang | 'o na blon chen po 'or che gsungs nas shwa la gyes so |
de nas shâkya mu ne slar mang yun nas spyan drangs par byas te | rta pa gcig gi pang du blangs nas spyan drangs te ra mo cher bzhugs so | de nas yos bu'i lo yi dpyid bsam yas kyi rmang 'dings par chad tsa na | gsal snang gis bla'i gtsug lag khang ma brtsigs par klags kyi lha khang bzhengs su gsol | sba pha tshan bon bgyid du mi gnang chos la bkod | sba lha gzigs kyis grogs po nyang ro kong dge ba'i bshes gnyen byas nas chos bslabs | dge bsnyen gyi khrims lnga phog | nyang ro kong gis pha tshan pho nu dge ba'i bshes gnyen byas nas nyang ril dkar por bsgyur | de nas yos bu'i lo de nyid la bsam yas brtsig par chad pa de bla blon lha khang brtsig par bka' bsgros pa las | blon po 'gos khri bzang yab lhag gi mchid nas | rje gcig lags | thabs kyis ma mdzad na bod 'bangs kha log nas dam pa'i chos bgyir mi btub | thugs dam bzhengs pa'ang mi 'grub pas gdam kha bor ba la sogs pa bgyi | gor ma chag ces mchi | thabs ji ltar bya bar mol bas | rje'i bka' gnyan pas bka' khrims [36] dang bka' nan drag tu bka' bstsal bar lkog tu chad nas bod 'bangs kun 'tshogs te 'dus pa la rjes bka' bstsal pa | 'dzam bu'i gling na bod kyi rgyal po che | bod kyi rgyal po la nga bas che ba ni sngar ma byung na | nga la phyag ris med pas | da nga phyag ris che ba cig byed pas | khyed bod 'bangs mdzangs pa rnams gleng | zhes gsungs pa la |
blon khri bzang na re | rje'i bka' bstsal ba ni bdud pas gnyan | khrims kyi la rtse ni dgung las mtho | phyag rjes gang mdzad pa bka' lung zhu'o zhes gsol pa dang lkog tu gros mdzad pa bzhin | rje'i zhal nas | nga mkhar zhang po rgya'i yul mthong ba gcig rtsig gam | yang na shel gyi mchod rten shangs ri tsam pa cig rtsig gam | yang na wa lung grog po gser phyes 'geng ngam | yang na has po ri zangs kyis btums la gzer mgo thams cad nang du bstan pa gcig bya'am | yang na gtsang po zangs ma'i sbubs su bcug cing 'chong (mchong) du ring bar bya'am | yang na ka chu thang la khron pa 'dom dgu brgya dang dgu bcu rtsa gcig 'bru'am | yang na lha khang bre tsam pa gcig rtsig gam | de rnams gang byed 'doms shig | ces bka' bstsal |
rje'i bka' lung che la sgrub dka' bas gdam kha gang yang khas len ma phod de | 'bangs kun bred pa dang | zhang nya bzang na re | rje gcig lags | mkhar de tsam pa phras na 'jigs | ches na mi 'byongs | shel rin po che bas sa'i mchod rten de tsam pa yang mi 'byongs | wa lung grog po gser phye bas bye mas kyang mi khengs | has po ri gzar gog tshun chad zangs su song kyang mi 'thum | gtsang po rgun sbubs su tshud kyang dbyar chus 'khyer | khron pa 'dom gang brus kyang chu rdol te 'ong bas brur mi thub | lha khang bre zhabs tsam pa gcig bya | de las 'os cang gda' 'am | zhes zer bas | bod 'bangs kun gros 'chams nas de la 'or ches btab | de la blon rta ra klu gong chos la gnag pas | spa lcag sa la [37] brdabs nas lha khang rtsig pa de chos yin pas nga mi dga' | nged rang bon bya zer bas | rje'i zhal nas nga'i bka' gcog pa rta ra klu gong byang du spyugs cig ces gsungs pas | 'bangs rgan mi gnyis kyis rtswa thag gis btags te cher lcag gis brab cing byang du spyugs so | de la kun bred nas cang mi zer |
de nas lha khang gi sa brtag pa la | btsan po dang | mkhan po dang | gsal snang dang | gnyer ldong gzigs rnams thugs dam brag dmar bsam yas bzhengs par mol nas | de bzhis has po ri'i rtse mo la phyin nas bltas pa las | de tsam na bsam yas kyi gzhi de skyi ba tho re ba dang | sgong phung lce me dang | skyang gal ma tho re | rtsi skyang can dang | 'jag skya chad de mchis pa las | gong bcad de | slob dpon gyis sa dpyad mdzad pa ni | shangs ri rgyal po gdan la bzhugs pa 'dra ste bzang | ri nag lcags phur btab pa 'dra ste bzang | me yar drel rta chu 'thung ba 'dra ste bzang | dol thang dar gyi yol ba 'dra ste bzang | sa gzhi 'di mkhar gzhong gur gum gyis bkang pa 'dra ste bzang | thugs dam 'dir bzhengs na bzang bya bar bstan | phyag mkhar gyis phyag bris mdzad | snyad chibs bres kyi ra ba gcig rtsig ces snyad btags nas | rtswa'i spyi bo bsdus te mdud | mtho yor bzhin du bskor nas phyi ra sngon la brtsigs | de ltar sa brtag pa'i cho ga bgyis | de nas sa chog byas te | ya rabs zhang blon gyi bu tsha pha mes phyi tshang ba bzhi btsan po dang lnga las | btsan po ni gser gyi nan ti gsol | gser gyi 'jor phyag tu bsnams | bu tsha rnams rgyan gyis brgyan te rin po che'i snod du sbog sngon gsal nas kha rgyags smra zhing thig 'then | btsan po thebs gsum brkos | bu tsha bzhis re mos kyis brkos | khru gang khru bzhi phyin pa dang | 'bras dkar mo dang nas dkar mo phul do tsam ma 'dres par 'dug | gram pa dang | gyo mo dang | rus pa [38] dang | sol ba lta bu ni ma byung | sa zhag skya nar mo gcig byung nas 'jor bzhag | de la mkhan po bo dhi satwa rab tu dgyes te | btsan po'i dbu la phyugs (byugs) nas | pha la pha la si ti si ti gsungs pas | de btsan pos ma go nas | lo tsâ ba la a tsarya ci zer gsungs | lo tsâ ba na re | bzang ngo bzang ngo | grub bo grub bo | ces gsungs zer | gzhan yang bgegs mnan dgos zhes kyang gsungs nas | mchod rten bzhi'i bla phur btab |
de nas rgyal pos slob dpon la lha khang gi rmang 'ding bar zhus pas | slob dpon gyi zhal nas | rgyal po khyed byang chub tu thugs bskyed pa yang jo mo sgrol ma yin | mtha' ma sangs rgyas rtsa na yang rdo rje gdan du chos kyi 'khor lo bskor bar gsol ba 'debs pa yang jo mos byed pa yin | da lta rgyal po thugs dam bzhengs pa'i bar chad sel ba yang jo mos mdzad pa yin pas | sngon la jo mo'i sgrub khang rtsigs cig par lung phog | rgyal pos kyang thog mar lho ngos su ârya pâ lo'i gling brtsigs te thog phib legs pa dang | slob dpon la khang pa legs te gzugs mkhan med ces btsan pos bka' bstsal pa las | mkhan po'i zhal nas yo byad bsogs cig | gzugs mkhan 'ong gis zhes gsungs | de nas hen khang dpe dkar nas tshur rgya mtshal bu can yang zer | rgya mtshal na mkhan khang zer ba gcig tshon rtsi'i kong bu kong rtse gang khur | pir chag pa gang thogs te | 'jim gzugs dang ri mo byed pa la 'dzam bu'i gling na nga mkhas te | bod kyi rgyal po lha khang rtsig zer na ngas ni gzugs shes zer ba gcig byung ba de bkug nas | lha bzo na re | lha rgya gar dang rgya'i gzugs gang bgyi zhes gsungs | der 'tshogs te gros bgyis pas | mkhan po'i zhal nas | sangs rgyas rgya gar du byon pa yin pas rgya gar lugs su bgyi gsungs | btsan po'i zhal nas | bod kyi lugs su bgyis na bod nag po [39] la zhen pa rnams dad pa skyer re ba lags pas | lha bod lugs su bya bar cis khang gnang zhes slob dpon la zhus pas | 'o na bod 'bangs kun bsdus shig | bod kyi lugs su bya'o gsungs | bod kyi lugs su bgyid pa'i dpe bod 'bangs kun tshogs pa las nang na gzugs bzang pa khu stag tshas la dpe byas te | gtso bo la arya pâ lo khar sa pâ "Hni bzhengs | rma so kong la dpe byas te arya pâ lor rta mgrin sgo srung du byas | thang bzang stag lod la dpe byas te arya pâ lo'i sprul pa yi ge drug pa g.yas su byas | lha mo'i dpe bud med la mdzes pa lcog ro gza' (bza') lta bu sman la dpe bgyis te sgrol ma g.yas su byas | lcog ro bza' nu chung la dpe byas te lha mo 'od zer can g.yon du byas | kun tshar lags nas rgyal pos yo byad sta gon mdzad de | gral nyi shu dgu'i gdugs la zhal bsro zhu ba'i tshe | slob dpon gyis mchod pa bsham du gsol te | nam bsros pa dang | lha khang gi steng arya pâ lo'i steng nas 'od nyi ma shar ba tsam cig je che je che byung nas brag dmar phu mda' zla ba shar ba bzhin 'od kyis khyab par snang | de'i rgyu ci yin zhus pa dang | mkhan po'i zhal nas | 'od de â mi ta bhâ was bod la dgongs pa'i â mi ta bhâ wa'i 'od yin pas | sang nyin du lha khang gi dbus kyi steng du â mi ta bhâ wa'i lha khang yang thog gcig rtsig dgos gsungs nas de bzhin du lha khang yang thog gcig mod la brtsigs nas â mi ta bhâ wa gtso 'khor lnga bzhengs | zhal bsros | ârya pa lo'i zhal bsros chen po'i tshe | gzug mkhan rgya mtshal bu la bya dga' bstsal bar bgyis te | gab tshe yang dar las byas pa gnyis gting ba las | lha bzo ba gar song gtol ma mchis te sprul pa yin pa lta zhes so |
yang mkhan po'i zhal nas | bstan po khyed dang po byang chub tu sems bskyed pa'i dge ba'i bshes gnyen lha mo sgrol mas byas | da yang sangs rgyas [40] nas rdo rje gdan la bzhugs pa'i tshe yang chos kyi 'khor lo bskor bar bskul ba yang lha mos byed par 'gyur | de yang bgegs dang bar chad mi 'byung ba yang sgrol mas byed pas | sgrol ma de la gsol ba thob la bsnyen pa bgyis gcig gsungs nas | slob dpon las lung mnos nas ârya pa lo'i gling du bsgoms pas | 'phags pa rta mgrin gyis rta skad nyin lan gsum mtshan lan gsum phyung bas | rtse rgod rnams kyis thos nas bred | zhabs 'bring nang pa dang | lha khang srung ma gnyer len kun gyis thos | de ci yin dris pa dang | slob dpon na re | rgyal pos grub pa brnyes pas rta mgrin gyi rta skad lan gsum ston pa de 'dzam bu gling gsum gnyis kyi thos te rgyal po'i chab srid mnga' ris kyang de tsam du yong gsungs |
de nas yos bu'i lo la btsan po lo bcu gsum lon pa dang | dbu rtse'i rmang 'ding bar zhus pas | â tsarya na re | dpal brag dmar bsam yas mi 'gyur lhun gyis grub pa 'dzam bu'i gling na byin rlabs che ba gcig byed pas | mdo sde | 'dul ba | mngon pa ste | mtshan nyid kyi sde snod thams cad dang gsang sngags rgyud sde thams cad dang mthun zhing mi 'gal ba 'gran gyi do med pa bgyi 'tshal gsungs | â tsaryas de lta bu mkhyen tam zhus pas | ngas shes te | de lta bu gcig o tanta pu ri na'ang yod gsungs | de ci 'dra zhus pas | de ni mu stegs rig 'dzin gyi sgrub pa pos ro sgrub byed pa la | dngos grub len pa'i sgrub g.yog mtshan rtags dang ldan pa kun tu btsal bas ma brnyed pas | ma ga ta'i dge slong sgrub pa po la nye gnas gcig yod pa de de'i mtshan rtags dang ldan nas | sgrub pa po dge slong la mandal gser gyi nye'u bkram pa yang dang yang du phul bas | khyod nga la gdam ngag 'dod dam | rig 'dzin gyis smras pa | nga khyod kyi nye gnas dpa' ba'i rtags can zhu'o | des de la phul lo | [41]
de nas sgrub khang du phyin pa dang | ro sog phon tsam pa gcig dkyil 'khor steng na 'dug go | de la dge tshul ro la dpa' ba'i rtags yod pas ma 'jigs par de'i lce chod cig | lce de gser gyi ral grir song ba dang nga la byin cig | de gar gtad par 'gro bar nus pa yin te | nga 'og min du rig 'dzin sgrub du 'gro ba yin | ro 'di gser du 'gyur bas de khyod la rngan par sbyin no zer | der des mnyam par bzhag go |
dge tshul ro la bzhon nas gris lce gcod du bcug pa dang | ro 'gul zhing mig 'khrul | kha btab btab byed pa dang | lce dar sham tsam cig nyug byung ba la ma zin no | lan gnyis su ma zin pa dang | da res lce ma chod na dang por nged rang gnyis gsod | de nas stong gsum srid pa gsum gyi sems can gsod du 'ong bas bsgrims la chod cig zer ro | des ro dang kha sprad de bsgrims pa dang | sos lce zin nas bcad pas ral grir gyur nas nam mkha' la dbyugs pas | nam mkha' la dge tshul 'phur ba la | rig 'dzin na re | khyed nang pa sangs rgyas pa la pham pa 'ong ba yin pa la | ral gri ni nga dbang na | mar la shog cig zer ba la | de lta yin mod | ngas ltad mo lta yis zer nas ri rab kyi khar song nas | gling bzhi ri rab nyi zla gza' skar dang bcas pa dang | lcog bzhi sum bcu rtsa gsum bkod pa dang bcas pa bltas pas legs par mthong | de nas mar 'dzam bu'i gling ngogs su ral gri dbyugs pas rig 'dzin gyi drung du byung nas | ro las gser du grub pa de dge tshul khyod gyis shig | 'dis dge slong lnga brgya'i mtsho ('tsho) ba ldang ste | rus pa la ma bcad cig bcad na log 'tshor 'gyur te phyis mi skye'o | gzhan du na nang bcad kyang nub mo skye'o | de skad zer te khong ral gri nam mkha' la dbyug te 'og min du song ngo | dge tshul des slob dpon dge slong de la smras pas | zhal nas | 'o cag dge slong lnga brgya'i bzhugs sa gtsug lag khang gcig byed dgos pas | [42] mgon po la sa gzhi zhu ba'i gtor ma bya'o zer nas | bha lim byas pas bya rog gis khyer nas mtsho cig gi dkyil na de'u yod pa'i khar bzhag go | de'u de'i khar gtsug lag khang gcig brtsigs te ri rab gling bzhi gling phran dang bcas pa nyi ma dang zla ba dang bcas pa la dpe byas nas bzhengs pa'i gtsug lag khang o tanta pu ri bya ba yod | rgyal po chen po'i thugs dam gtsug lag khang bzhengs pa'i dpe yang de la byas na 'gran gyi do med pa sde snod gsum dang sngags rgyud sde thams cad dang mi 'gal zhing | byin rlabs yang shin tu che ba cig yong mchi bas de la dpe bya'o gsungs |
de nas gdod bal yul nas gzugs mkhan dang phyâ mkhan bkug ste | sa brtag pa'i cho ga sngar bgyis pa las yang lan gcig byas pa'i tshe | gong gi tsho la shar ri has po ri nas pha bong drangs te | bzhis dbu rtse'i rmang bting | sa yar klungs gad pa thog nas blangs | shing shug pa dang tsan dan la byas te brtsigs nas | khang pa ni tshar lags | sku gzugs ji lta bu gcig bgyi dgongs pa las | btsan p mnal ba'i rmi lam du mi dkar po zhig na re | rgyal po khyod sangs rgyas kyi sku gzugs ci la bya bar sems zer | slob dpon la 'dri byas pas | mi dkar po de na re | sa gzhi 'di jo mo sgrol mas byin gyis brlabs pa yin | tâ re dngos kyis zhabs kyis bcags pa yin | has po ri'i rtse mo na shâkya thub pa gtso 'khor bcu gsum sngon bcom ldan 'das nyid kyis byin gyis brlabs pa yod kyis de spyan drongs la gyis zer | de gang na yod ston dang byas pas | ba dmar 'bus 'debs pa'i sa na yod zer | 'dong zhes khrid de has po rir phyin pa dang brag kun la bltar bcug nas | 'di ni sangs rgyas dang byang chub sems dpa' 'di dang 'di zhes kun gyis mtshan yang smos nas lha bcu dgu 'dug | khro bo dang kun bstan te | rgyal po dgyes ches nas he he byas pas | [43] mnal sad de rmi lam du red nas | nam langs ma thog du blon po gnon khams pa khrid de rmi lam du bstan pa'i sa der gshegs nas gzigs pa dang ci yang med | 'di na 'dug pa yin pa la byas te btsan pos bye ma la zhabs sug sug byas te | lde gu bya mchu tsam gcig 'dug | de bsal bas rdo sku byung | the'u'i rjes med pa gtsug tor nag po ldem me ba | spyan khra hrig ge ba'i byang chub chen po gcig gda' | rmi lam du byung ba dang mthun par brag la 'ol ci tsam gda' nas | dgyes ches nas bal po bzo mkhan 'gugs su btang nas | mchis ma thag tu sku gzugs kun de nyid du bgyis nas shing rta la bzhag pa'i tshe sa lan gcig g.yos | shar sgo'i them khar phyin pa'i tshe sa lan gcig g.yos | dri gtsang khang gi nang du phyin pa'i tshe sa lan gcig g.yos |
de nas khri la bzhugs pa dang btsan po dgyes te | man dhe dang gser ga gsol | na bza' gsol nas btsan po nyid kyi gser gyi sku regs shâkya thub pa'i sku la bcings so | bcings pa'i steng du 'jim pas g.yogs | phyâ mkhan na re | btsan po'i khang pa dang sbyar na lha chung zer nas 'jag ma dkris | de la ras g.yogs nas 'dag pa byugs | de la gser gyi 'jim 'bag lan bdun gsol nas bzhag rgyu rdo la byas | bzo ni bod lugs su byas | lho ngos kyi g.yas gral na byang chub sems dpa' rnam mkha'i snying po dang | byams pa dang | spyan ras gzigs dang | sa'i snying po dang | dga' ba'i dpal dang | khro bo khams gsum rnam par rgyal ba dang drug go | byang ngos g.yon gral na byang chub sems dpa' kun du bzang po dang | phyag na rdo rje dang | 'jam dpal dang | sgrib pa rnam sel dang | dge bsnyen chen po dri ma med par grags pa dang | khro bo mi g.yo ba dmar po dang gtso 'khor bcu gsum | gsang 'dus la 'brel pa brgya rtsa brgyad yod pa las | slob dpon sangs rgyas ye shes zhabs kyi lha bcu dgu la drug ma shong nas | [44] byang chub chen po'i rgyab du gyang logs la ri mor bris nas yod do | lte ba'i rgyud ris ni sku gsum 'byung pa'i mdo bris | lte ba'i kha phyir ltas la mdo sde padma dkar po'i rgyud ris bris | kha nang lha'i bskor khang la 'dus pa chen po rin po che'i tog gi gzungs bris | rnga khang la rje'i thugs dam mdo sde dkon mchog sprin gyi rgyud ris bris | 'og khang gi chos skyong srung ma mkha' 'gro ma seng ge khri'i ral pa can la gtad |
de nas bar khang gi shing thams cad gla ba dang seng ldeng la byas | lder tsho'i rgyu ba men gyi ko pa la byas | bzo rgya nag po'i lugs su byas | gtso bo dpal rnam par snang mdzad | g.yas na 'das pa'i sangs rgyas mar me mdzad | g.yon na ma byon pa'i sangs rgyas byams pa bzhengs kha ma | mdun na stong gi lha shâkya thub pa | tshes brgyad kyi lha sman gyi bla bai durya | nya'i lha snang ba mtha' yas | nyi shu gnyis kyi lha jo mo sgrol ma bris | g.yas g.yon gyi byang chub sems dpa' 'khor nye ba'i sras brgyad | dge bsnyen chen po dri ma med par grags pa | byang chub sems dpa' dga' ba'i dpal | khro bo kang dang king zhes bya ste rgya nag gi skad yin | don 'og khang dang mthun | kri ya'i lha tshogs bcwa lnga dang bstun | nang gi rgyud ris yum rgyas pa'i gleng gzhi'i le'u rgyud ris bris | gdong la rgyal po chen po bzhi | skor khang kha phyir lta la mchod rten brgyad pa | mdo mngon par 'byung ba'i rgyud ris bris | skor khang kha nang lta la mdo sde sprin chen po'i rgyud ris | rnga khang la phyogs bcu'i sangs rgyas dang | gshin rje gshed kyi lha tshogs dang | bsam yas na gnas pa'i chos skyong rnams kyi 'bag | par khang gi chos skyong rgyal po shing bya can la gtad |
de nas steng khang gi shing cha thams cad thang ma dang gsom las byas | lder tsho'i rgyu ras dang 'jag ma la byas | bzo rgya dkar po'i lugs | gtso bo [45] sangs rgyas rnam par snang mdzad kun tu rig pa zhal bzhi | ngo bo gcig pa'o | re re la 'khor gnyis gnyis | byang chub sems dpa' nye ba'i sras brgyad | nang gi lha tshogs byang chub sems dpa' rdo rje rgyal po la sogs pa phyogs bcu nas lhags pa'i byang chub sems dpa' | khro bo mi g.yo ba la sogs pa bzhi | phyag na rdo rje bzhi ste budha'i lha tshogs bzhi bcu zhe gnyis su byas | rgyud ris mdo sde sa bcu pa | chos skyong pa'i rgyal po zangs ma'i 'bor log can | thog rgya phibs can za 'og ris can du phub | lcog bzhi na steng gi zhing khams mdangs dga' ba can gyi sangs rgyas dpal | 'khor byang chub sems dpa' dga' bas byin la sogs pa'i rgyud ris bzhi | de'i chos skyong gnod sbyin lag na rdo rje gos sngon po can bzhi la gtad | ghan lji ra (ganji ra) gser la shel gyi tog can du btsugs |
de nas 'khor sa bar ma brtsigs te | lho phyogs rol mo mchod rdzas kyi bang mdzod gsum na rol chas bkang pa'o | gnod sbyin lag na dbyug pa thogs pa mched gsum la gtad | nub ngos mdo rgyud chos kyi bang mdzod gsum na | rgya dpe | bod dpe | rgya nag gi dpe'i glegs bam rnams kyis bkang ste | a tsa ra lag na spu gri thogs pa mched gsum la gtad | byang ngos rin chen gser gyi bang mdzod gsum na gser dngul zangs la sogs pas bkang ste | gshin rje lag na be con thogs pa mched gsum la gtad | rgyud ris mdo rgya cher rol pa bris | bar stong la bskal pa bzang po 'di la sangs rgyas stong 'byung ba dang | de'i 'og du ngan 'gro'i bskal pa drug bcu'i rjes la | bskal pa gnyan pa chen po la sangs rgyas khri 'byung pa bris te | ma shong ba gru skas kyi rtsig logs la bkod nas yod |
de nas 'khor sa chen mo bskor te rnam par snang mdzad ngan song sbyong ba'i dkyil 'khor du bzhengs so | [46] mda' yab kyi ngos gsum na rnam par snang mdzad la sogs pa rigs lnga'i lder tsho zhal phyir lta ba | nang du mdo sdong po brgyan pa'i rgyud ris dang | tshong dpon gyi bu nor bu bzang pos dge ba'i bshes gnyen brgya rtsa gnyis bsten pa bris so | des ma khengs pa 'phags pa snang brgyad gyis bkang nas yod | chos skyong klu'i rgyal po â nanta u li la gtad do | rgyab du rdo ring padma can la bka' gtsigs mdor bsdus brkos | steng du seng ge bzhag nas chos skyong sing nga mu kha la gtad | dbu rtse'i sgo pradznyâ sa ra mi ta rnam par thar pa'i sgo | stong pa nyid dang | mtshan ma med pa dang | smon pa med pa'i sgo gsum dang bstun | rtsig pa dang shing bzo bskos te rmang btsugs | chu khung gtod | nang du ka ba'i rmang byas | steng du ka ba | ka ba'i steng du ka lo | de'i steng du gdung | de'i steng du cam (lcam) de'i steng du spang leb | de'i steng du so phag bkram | kha lan kan gyis bskor | logs la sum brgya'i (cha'i) 'og du sge khung phyi rub la nang yangs pa rgya mtsho lta bu byas | bya gag mi 'jug pa'i phyir dra ba | sbrang bu mi 'jug pa'i phyir sgo legs (glegs) | de rlung gis mi bskyod pa'i phyir 'khor gtan byas | de 'byed pa dbyug gu skam kha byas | steng du 'dzeg pa'i gru skas | de'i rmang rdo la byas | bar so phag | steng shing la byas | lag 'ju ba'i sdang bu (gdang bu) byas | de mi 'gul ba'i lcags gzer btab | bya ba 'dul ba dang bstun | rgyud ris thams cad mdo sde dang bstun | lder tsho thams cad gsang sngags dang bstun | de ltar na lder tsho bdun cu don brgyad | mdo'i rgyud ris bcu bzhi | ka ba stong dang rtsa gnyis | sgo mo che sum bcu so drug | sgo chung chung bzhi bcu zhe gnyis | gru skas chen po drug | cong chen po brgyad | dang dang (dar thang) chen po gsum la sogs pa dang | mngon pa dang bstun pa'i gling bzhi gling phran bcu gnyis | [47] nyi zla dang | phyi lcags ri dang bcas par bzhengs |
de yang shar lus 'phags po'i gling g.yog dang bcas pa la dpe byas te | dang po rnam dag khrims khang gi gling zla gam du byas te | lder tsho bstan pa'i bdag po la sogs pa gtso 'khor lnga bzhugs | zla 'od gzhon nur gyur pa'i rgyud ris | chos skyong tshangs pa dkar po dung gi thor tshugs can no | phyir gling phran bcu gnyis po re la lte ba la sgo re | 'khor sa la sgo gnyis gnyis yod do | de nas mkhyen rab 'jam dpal gling na | 'jam dpal rgyu ko ba la byas pa gtso 'khor bdun | sgo srung gshin rje gshed gnyis | nang gi lte ba la 'jam dpal gyi sangs rgyas kyi zhing gi yon tan bkod pa | 'og khang na phal po che'i rgyud ris | sgo mo drug | chos skyong pa gshin rje mo'i khor lo can la gtad | brda' sbyor tshang mang gling na shâkya thub pa gtso 'khor bdun | lte ba rin po che sna tshogs kyi rgyud ris | phyi btsun pa'i g.yos sa | chos skyong rgyal po 'brug gi klog pa can (slog pa can) |
lho'i gling sog khag gsum la | bdud 'dul sngags pa gling na shâkya thub pa bdud 'dul lugs ma | 'khor lder tsho bzhi | lte ba la mdo sde sa bcu pa | 'khor sa la gtsug na rin po che'i mdo | chos skyong ba dbang phyug ma nyi shu rtsa brgyad | ârya pa lo'i gling na khar sa pâ ni gtso 'khor lnga | steng na â mi ta bhâ wa gtso 'khor lnga | glo 'bur na sku gsung thugs kyi rten | sku'i rten tsan dan gyi rus pa la gu gul gyi sha | dngul gyi lpags pas g.yogs pa'i rgyal po nyid kyi 'bag gcig | bla 'bum yum chen mo gcig | phra men gyi mchod rten gcig | rgyud ris mdo za ma tog bkod pa | bse'i lha mo stong rtsa gnyis | 'khor sa la sa bcu pa'i mdo | chos skyong pa drang srong rda ma ra 'khor long pa rgya 'brel dang bcas pa la gtad | rgya gar gling na jo bo lugs ma gtso 'khor lnga | rgyud ris mgon po tshe dpag tu med pa dang | 'dul ba rnam par dag pa | [48] mdun na lo pan sgra bsgyur ba'i khang pa gcig la sgo so sor lta ba | chos skyong pa gnod sbyin ra to la gtad |
nub kyi gling gsum zlum po la | bai ro tsa na'i gling na rnam par snang mdzad zangs las byas pa | 'khor gsang ba'i yum bzhi | rgyud ris rnam snang mngon par byang chub pa'i rgyud | chos skyong gnod sbyin glang gi mgo can | byams pa gling na 'phags pa byams pa gtso 'khor bdun | sgo srung gshin rje gshed gnyis | rgyud ris mi dge ba spyad pas shâkya'i bstan pa mar la bgrib pa dang | tshe lo bcu pa nas byams pas dge ba byed du bcug pas bstan pa yar 'phel ba dang | sgrol ma'i phyag 'tshal nyi shu rtsa gcig dang | bsam yas kyi dpe bris | sna nam rgyal tsha lha snang gis lag dpon byas pa'i bya thabs dang | byang chub ltung bshags kyi lha tshogs bkod | chos skyong mkha' 'gro ma gu ling gi gos can la gtad | bsam gtan gling na rnam par snang mdzad yab rgyal po'i thugs dam gnyan po byin rlabs can rigs lnga | 'khor nyan thos chen po bcu drug dang bcas pa | rgyud ris gser 'od dam pa nges don gyi lugs | chos skyong ba rgyal po dngul gyi mgo can |
byang gi gling gru bzhi gsum la | rin chen sna tshogs gling na | shâkya mu ne gtso 'khor lnga | rgyud ris dga' ldan du yum la chos bshad pa drin lan bsab pa'i mdo | chos skyong ba rgyal po g.yi'i sbar ba can | sems bskyed byang chub gling na | phyag na rdo rje'i pho brang ri bo mchog rab na phyag na rdo rje | rdo rje phur pa | bdud rtsi 'khyil pa gsum bar chad srung ba'i gtso bo | sangs rgyas ma chags padma'i spyan nam mkha' la byon pa la | byang chub sems dpa' sgrib pa rnam sel gyis zhu sna ba byas | sa bcu'i byang chub sems dpa' rdo rje snying po la sogs pa buddha'i lha bzhi bcu zhe gnyis sems bskyed byas pa | de'i bar na phyogs bcu'i sangs rgyas kyis de dag la byin gyis brlabs pa bris | rgyud ris mdo sde dkon mchog sprin | [49] 'khor sa la 'phags pa rtag tu ngus pradznya pa ra mi ta 'tshol ba | chos skyong ba rgyal po bse khrab can dang | mkha' 'gro ma seng ge'i 'gros can | dkor mdzod dpe har gling na shâkya thub pa gtso 'khor dgu | yab dang sras mjal ba'i mdo'i rgyud ris bris | glo 'bur rnams na bsam yas 'byongs pa'i dkor lhag ma 'di na 'di yod kyi rtsis yig byang shing khram kha gang | de'i srung ma khram gang gi rgyal po spyi'i chos skyong dpe har la gtad | yaksha gong ma gang pa bzang po'i khang pa na shâkya thub pa gtso 'khor lnga | rgyud ris skal pa bzang po'i mdo sangs rgyas stong rtsa gnyis | chos skyong thang lha gang pa bzang po | yaksha 'og ma gnod sbyin nor bu bzang po'i khang pa na | lder tsho rgyud ris gong dang mthun | chos skyong ba gnod sbyin nor bu bzang po la gtad | de gnyis nyi ma dang zla'i dod yin | shar phyogs kyi logs gling dang bcas pa kha dog dkar po shel | lho ngos mthing bai durya | nub ngos dmar po pad ma râ ga | byang ngos ser po gser gyi rang bzhin | yang na ljang gu inda ni la | logs kyi zhal ba la chu gnyer 'dra ba | thang la dkar zhal phyi'i rgya mtsho la dpe byas pa yang byas so |
de nas tshang mang ke ru gling na steng khang na slob dpon bo dhi satwa'i gzims mal dang | ba so lha khang dang | 'og khang na dkar thab | chos skyong gnod sbyin lag na myu gu thogs | dag byed khrus kyi khang pa na khron pa tsan dan gyis bkang ba | 'og so phag logs la rab tu byung ba skyo ba byed par bya ba'i keng rus kyi rnam pa 'dul ba nas bshad pa bzhin bris | chos skyong lag na dbyug pa thobs pa | mthu rtsal gling na se ba phung po gcig la sbyin sreg byas pa'i yal ga brgyad la klu chen po brgyad byas | de'i dbus na phyag na rdo rje zhi ba dkar po 'dul byed du bzhengs | rgyud ris nya dang sbal pa dang | chu srin la sogs pa bris | chos skyong sa bdag rgyu 'dal gnyan dgu dang bcas pa rang bcas su yod | [50] nang chu shel gyis khyab pa sus kyang lta bar rngo mi thogs pa gcig mchis |
de nas mchod rten dkar po byang chub chen po'i mchod rten nyan thos kyi lugs su bzhengs | shud bu nga mi rgyal gto res las dpon byas seng ges brgyan pa'o | chos skyong gnod sbyin skar mda' gdong la gtad | mchod rten dmar po chos kyi 'khor lo | byang chub sems dpa'i lugs pad mas brgyan pa'o | sna nam rgyal tsha lha snang gis bzhengs | chos skyong pa gza' mig dmar la gtad | mchod rten nag po de bzhin gshegs pa'i sku gdung gis brgyan pa sangs rgyas kyi lugs | ngan lam stag ra klu gong gis bzhengs | chos skyong gnod sbyin lcags kyi mchu can la gtad | mchod rten sngon po dpal lha las babs pa de bzhin gshegs pa'i lugs | lha khang gi sgo mo bcu drug gis brgyan | mchims rdo rje spre chung gis bzhengs | chos skyong ba gnod sbyin nyi ma'i gdong can la gtad | de'i tshe 'dre mo 'od can mas blon po rnams nyal ba'i mgo mjug ldog pa la sogs pa'i 'tshe ba mang du byas pas | de slob dpon la zhus pas | byams pa'i gling du mchod rten 'od 'bar ba brtsigs te mnan | mchod rten chen po bzhi | mchod rten 'od 'bar ba dang lnga bzhengs | mchod rten dkar po gnyan drags pas las dpon shi nas | yang shud bu khri 'bring khong btsan gyis byas | de la thams cad kyi nang rdzongs ma mchis pas rjes bsams par | slob dpon la zhu dgos dgongs nas zhus pas | slob dpon gyi zhal nas | ma ga dha'i rgyal po'i khab kyi sgo mdun na dha ru rtse do bya ba'i mchod rten gcig gi nang na rgyal po ma skyes dgra'i skal ba | de bzhin gshegs pa'i gdung dang ring bsrel ma ga dha'i bre'i khal gcig bzhugs par grags so gsungs nas | rgyal pos de spyan drang ba'i phyir bod kyi rta rngog chags sga mnan [51] ma thag gcig yan chad ma lus par chad la bsngos te | 'gos kyis phag rir 'dus | slob dpon gyis lam rgyus mdzad nas mtha' 'khob bod kyi rta pa'i dmag phyin pas | dpal mo dpal thang la grang btab pas | rta pa bye ba phrag bcu bzhi byung | rgya gar mtha' 'khob du rtol ba dang | yul de'i rgyal po bred nas mtha' 'khob kyi rgyal po de'i rta pa 'di 'dra na | rkang bu chung gi tshogs | glang po che'i tshogs ci 'dra bar 'gyur zer nas | pho brang gi ya lad la bod kyi btsan po'i lham btags nas | de'i 'og na phar 'khor dang bcas pa 'dzul nas | nga'i rgyal khams ni btsan po khyod kyi zhabs 'og du 'dzul zhing bcwa (dpya) dang skyes lo thang du 'bul zer te | de ltar khas blangs nas mngar 'dus pa lags | de nas chu bo gang ga brgal nas ma ga dhar dmag drangs pa na | ma ga dha pa rnams kyis nor thams cad o tanta pu rir bskyal nas | mi thams cad rgya gar shar phyogs su bros te g.yul sprad ma dgos par rdo rje gdan du byang chub kyi shing la mchod pa byas nas mchod gnas spyan drangs | de nas mchod rten kha phye ba'i nang nas mtshon cha'i 'khor lo 'khor ba'i dkyil na rin po che'i bum pa 'dug pa de sus kyang blang bar rngo ma thogs | rgya gar gyi rgad po gcig 'dug pa na re | nga la sngon gyi mi (mis) gleng pa'i lo rgyus yod | mchod rten 'di'i byang ngos na brdo leb (rdo leb) chen po'i dkyil gyi bug pa na (nas) mar rnga mang gi thag pa la bum pa btabs te btang pas | bum pa de chu bo gang gar 'byung | de nas yar la gzhal abs mchod rten dang skyed thag mnyam pa na | rdzing bu'i gseng khung gi bar du chu 'gro ba de rtswa dang shing dang bye mas bkab te chu 'gags na chu chad nas mtshon cha'i 'khor lo rdeg pa zin zer te 'khor 'phro 'chad (chad) pa yin zer nas | des ji skad zer ba de ltar byas pas bden par byung nas rin po che'i bum pa nas de bzhin gshegs pa shâkya thub pa'i ring srel bre drug [52] spyan drangs nas | yang rtswa shing gsal (bsal) nas chu btang pas mtshon cha'i 'khor lo snga ma ltar 'khor ro |
de nas tshur byon nas chu bo gang ga'i 'gram du bod kyi mi bzhi bskos nas | 'di tshun chad bod kyis bcad yin pas 'dir rdo ring gyis cig ces bka' bstsal | mi bzhi pos byi khung du lcags kyi ka ba btsugs te | phyis bru sha'i dmag gis de bshig pas ma shigs nas mes bzhu ba'i 'phro yod do | de'i lu 'bugs (lung phug) na 'dzugs mi bzhi po chags pa'i pi tro tha gu ra'i rigs bya ba'i grong khyer chen po gcig kyang yod do | rta dmag rnams bod du log pa shin tu nyung bas | rgyal po la zhus pas | slob dpon la dris pas | rgya gar 'cham la 'bebs pa'i ched du btsan pos sprul pa mdzad pa yin | dmag dang po nas 'di las med gsungs | bsngo bgrang byas pas mi gcig kyang ma lus rta gcig kyang ma chad par tshang bas | btsan po khri bsrong lde btsan gyi sprul par grags so |
de nas chos 'khor du byon nas ring bsrel gyi snod dang | rin po che'i za ma tog sprugs pa'i bar du ring bsrel 'phel | snyim pa gang ma shong ba de mchod rten gyi tog la bzhugs | mes lha mtho mtho'i gnyan po gsang ba dang | mes srong btsan gyi thugs dam lnga dang | yab kyi thugs dam gnyis der bzhugs pas lhag par byin brlabs che'o | de ltar mchod rten bzhi yang brtsigs lags na | lho phyogs kyi mchod rten 'thon kha dkar po'i 'khor lo bal po'i shing mkhan dang | rdo bzo mkhan dang | mgar bas bgyis te | has po ri'i rgyab na bal po bzo byed pa'i drung na bzhag nas | sang drangs te 'dzugs par chad pa la | blon po rnams kyis 'breng zhags dang | shing rta grab byas te | bal po'i bzo bos dgung sangs ma thag du bzo 'phro la phyin pas srog shing nub mo shul ha re stor | [54] shing mkhan dang mgar ba bkug te snyan du gsol ba'i tshe | rjes pho nya btang ste bltas pas srog shing mchod rten la btsugs pa mthong | pho nya de na re | mchod rten nyid la 'khor lo gtsugs lags zhes gsol | shing mkhan dang mgar ba kun ltar 'dong zhes phyin pas | bltas na gtsugs (btsugs) lags pa mthong ste snyan du gsol pa dang | rjes kun bsags te | nga'i 'bangs las stobs che ba 'di ni su yin | bya dga' cher gnang ngo gsungs pas | khas len pa su yang ma mchis | phywa mkhan bal po na re | mdang nga'i rmi lam na | mi bzhis 'khor lo khyer 'ongs nas btsugs | khyod kyis mchod rten bdun brtsigs na legs rab | mchod rten 'di yang legs rab | mchod rten 'di 'dzam bu gling na byin che ste | 'di la sus phyag dang skor ba byed pa de'i bsam pa yid bzhin 'grub pas | bya dga' gser gyi ya lad gcig byin te 'di khyer cig ces zer | gnyid sad tsa na mi bzhi po ni mi gda' | ya lad ni 'di yin zhes zer nas | gser khrab gcig gda' | de bzhin du btsan po'i snyan du gsol pas | phywa mkhan 'khor dang bcas pa la rgyal pos bya dga' che thang du gnang | slob dpon gyi zhal nas | de skad du ston pa rgyal po chen po bzhi yin pas | rgyal po chen po bzhi'i gzugs kyang bya gsung nas bum pa'i steng du 'bag bzhi byas nas bzhag go | de nas mgon khang bzhi'i nang du phugs na shâkya mu ne gtso 'khor gsum | mdo na mgon po lcam dral gnyis | de'i sgo dra ba byas | sgo'i phyi na rta bab dang | steng na chos kyi 'khor lo gser las byas pa | sha ra na dang | gdugs rgyan dang bcas pa bgyis te | chos skyong rgyal po bzhi la gtad | lcags ri'i zur mang rdo rje 'gros la mchod rten brgya rtsa brgyad kyi tshul du bskor nas | re re la sangs rgyas kyi ring bsrel re bzhugs pa chos skyong rgyal po sde bcwa brgyad la gtad | bsam yas phyi'i chos skyong dpal mgon po la gtad do | [54] de ltar na dpal brag dmar bsam yas mi 'gyur lhun gyis grub pa'i gtsug lag khang de ni | gzhi che la 'phang mtho ba | rgyu bzang la bkod pa legs pa | dung phor gzis bkang ba 'dra ba | rje'i thugs dam | 'bangs kyi mchod gnas | sangs rgyas dang chos dkon mchog gi zhing khams | dge 'dun gyi bzhugs gnas | mdor na dkon mchog gsum gyi phyo brang de yos bu'i lo la rmang bres de yos bu'i lo la 'byongs pa lags so |
jo mo lha khab tu bzhes pa la | mchims bza' lha mo btsan dang | mkhar chen bza' mtsho rgyal gnyis sgrub pa mdzad pas phyag ris med do | 'bro bza' khri rgyal mo btsun sras med pas rab tu byung ba'i mtshan byang chub rjer gsol ba'i phyag ris dge rgyas kyi gtsug lag khang lags te | snang ba mtha' yas gtso 'khor dgur mdzad pa lugs stod du btab nas gtsang po la spyan drangs pas | 'khor gnyis chab la shor | 'khor drug po la g.yas na rigs gsum mgon po g.yon na sangs rgyas sman byi bla | sangs rgyas kun tu bzang po | mi g.yo mgon po gsum bzhugs su gsol | sras mi mnga' ba dang | yab ming 'bro yul thang ring bas phyis gso mi mi 'ong zhes mchi nas lugs ma byas | rtsig pa so phag zha nye'i chus sbyar | zangs kyi thog bkab | rol mor mgrin bzang bshig pa'i cong mchims phu'i rdza la sbas pa de yin gsungs | cong btags | snang bar rin po che mar gad â mi ta bhâ wa'i dpral bar phra btab po | jo mo tshe spong na lan lon par gsungs pas khab tu bzhes te | lha lcam las sras mnga' bas lha khang nyis thog tu snang pas | dbu tshal gser khang rdo rje dbyings kyi dkyil 'khor du bzhengs su gsol lo | lha bzo ba la zas sna bcu gsum drangs pas bzo sna bcu gsum byas te | steng khang logs la rtsig pa med pa | nang ka ba med pa | gla gor gyi sgo skyabs dang 'phag thub pa | [55] sa bzhi rin po che ra gan las byas pa | g.yu'i gdung ma la gser gyi rta rgyug pa'i 'bur gtod pa | mthing gi rgya phibs kha phyi lta nang lta gnyis yod pa | chu thams cad 'dril nas seng ge'i kha nas 'bab pa de rus sbal gyi rgyab du 'ong ba | sgo 'byed gcod las gser gyi byi chung skad 'don pa | nang gi yo ga'i lha tshogs la spyi gdugs re re | sgos gdugs re re phibs pa | 'khyams na mdzad pa bcu gnyis 'bur du gtod pa | rgyu skar nyi shu rtsa brgyad kyi rgya phibs 'debs pa | phibs kyi nang zur bzhi na gser gyi seng ge lug tsam pa brgyad yod pa | rgya gdugs kyi sham bu la mchod pa'i lha mo nyi shu rtsa brgyad 'bur du gtod pa | lha'i bus khyung gi sgo nga las bdud rtsi'i chus sku khrus gsol ba ngo mtshar ba gcig bzhengs su gsol lo |
de ltar lo bcu gnyis na lha khang bzhengs tshar ba las | de nas slob dpon la mnga' gsol gyi zhu rten gser phye bre drug phul nas zhus pas | bod 'bangs mnga' ris thams cad la dpya dang khral bsdus la yo byad sta gon gyis cig ces lung gnang | slob dpon ke ru gling na mtshams bcad nas sgrub pa la bzhugs pa las | khyad par du rab gnas mnga' gsol gyi thugs dam mdzad | btsan pos mnga' 'bangs kun bsdus te yo byad 'tshogs nas mnga' gsol dus bzang po la bab pa'i tshe | brag dmar skye bo'i tshogs kyis khengs | slob dpon gyis ke ru gling nas mkhar gzhong me tog gis bkang nas byon te mchod rten dkar po'i gong du byon pa dang | rgyal pos 'jam pa'i rdo rje zhal gsum phyag drug pa phyag na rin po che'i me tog thogs pa cig tu gzigs | slob dpon gyis ting nge 'dzin gyis dbu rtse'i 'og khang gi lha phyir spyan drangs nas mchod rten dkar po la bskor ba byas te | zhal shar phyogs su gzigs nas 'khor sa'i logs la srog zhu zing nge 'dug pa la me tog gtor | lha rnams dus [56] gcig tu gshegs te sngar gyi gral bzhin du 'khod pas | khro bo cig gi rgyab nas ye shes kyi me 'bar bas sa gzhi tshig pa la | slob dpon gyis dri chab gyi bsang gtor mdzad pas me shi ba'i shul sor chud | btsan pos me tog tu gser phye gzhong pa gang phul lo | zhal bsro chen po'i dus su phyi lcags ri'i steng mchod rten gyi bar thams cad bzhes pa dang thud skyal gyis bkang | de ltad mo ba rnams la 'tshal bas skal ba gnyis gnyis gsum gsum thob | skal ba chad pa ni ye ma ma mchis | de'i rjes la kun ltad mo che thang re byed | sman ri la lan ga brag chung nyi ma 'de ba'i drung du sha ba byung ba zhags pas bzung nas khrom bskor | ltad mo dang po'i byas lugs 'khor sa'i sgo rgyab na bris nas yod do | sang nang par yang slob dpon ke ru gling nas mkhar gzhong me tog gis bkang nas byon pas | btsan pos dge slong rigs lnga'i dbu rgyan can cig tu gzigs | slob dpon gyis ting 'dzin gyis dbu rtse bar khang gi lha phyir spyan drangs te | 'khor sa'i logs la zhal shar du gzigs pa la me tog gtor | lha rnams dus gcig la nang du gshegs te sngar gyi gral bzhin du 'khod do |
rgyal pos gser phye gzhong pa gang yon du phul | zhal bsro bar pa'i dus su ltad mo ba la 'tshal ba sngar bzhin 'tshal | rjes la ltad mo che thang re byed | sngog pha la bya bas rnga mo bdun la zhon res byed cing byung | la la gu ru rta rgyug pa'i steng na phar la ral gri'i sgo 'phen | la la mi nyis brtsegs gis 'phan 'phyar ba la sogs pa'i ltad mo bar pa'i byas lugs khang 'khor sa'i sgo rgyab na bris nas yod do | yang slob dpon gyis ke ru gling nas mkhar gzhong me tog gis bkang nas byon pa de | btsan pos dge slong 'jam pa'i rdo rje dbu rgyan can gcig tu gzigs nas | slob dpon gyis dbu rtse'i steng khang gi lha rnams ting nge 'dzin gyis spyan drangs nas dbu rtse thang nas me tog gtor | lha rnams [57] dus gcig la nang du gshegs te sngar gyi gral bzhin du 'khod do |
btsan pos gser phye gzhong pa gang yon du phul | zhal bsro phyi ma'i dus su ltad mo ba la 'tshal ba snga ma bzhin du 'tshal | rjes la ltad mo che thang re byed | ljang dga' bo bya bas seng ldeng gi gdung ma bcu gsum thod la btsugs nas | dbu rtse'i thang la brgyugs nas dbu rtse'i lho sgo'i them khar bor | de re re yang mi re res mi theg | spo (pho) shing btags pa mang po shing kha na phar rgyug pa dang | shing rtse la sgyu ma mkhan gyi lus la me chen 'bar | thang shing la byis chung spyang mo nyug pa byung ba ltad mo mtha' ma'i byas lugs kyang ngo mtshar bas 'khor sa'i sgo rgyab na bris nas yod do | spyir slob dpon chen po bo dhi sa twas bsam yas kyi chos 'khor ma bu la mnga' gsol rab gnas lan brgyad byas so | lan bdun byas pa'i rten dang | lha sku ni sprul pa'i sku dngos dang byin rlabs 'dra ba lags so |
de rjes la btsan pos bsil khang gi mtsho nang du pad ma'i sdong po skyes pa'i khar bzhugs nas thugs dam gyi lha khang 'byongs pa la gzigs nas shin tu dgyes nas | nga'i rjes la btsan pos bsil khang gi mtsho nang du pad ma'i sdong po skyes pa'i khar bzhugs nas thugs dam gyi lha khang 'byongs pa la gzigs nas shin tu dgyes nas | nga'i dbu rtse rigs gsum 'di | brtsigs pa mi 'dra skyes pa 'dra ste nga re dga' | bya ba la sogs pa'i dga' glu bcu gsum mgur du bzhes so | blon po rnams kyang so so'i nga rgyal re'i glu blangs te | mchims kyi nga che rgyang grags la sogs pa'o | de ltar lo bcu gnyis kyi bar du skyid kyi bro mo che brdungs | mi res glu re blangs | rta res bang re brgyugs | bya res dkad re ston | dus de tsa na bod bde skyid kyi mnga' thang dar ba lags skad | de yang dbu rtse'i sgo rgyab byang ngos na bris nas yod do |
dus der rje blon rnams rtsed bro dang longs spyod la yengs pa dang | de yan chad bod la dge slong gi ming yang med pa las bsam yas kyi rtsig rmang thams cad byi khung byas te lha khang dang rten rnams la mchod pa dang zhabs rtog [58] byed pa med pas | btsan po thubs ma bde nas 'bangs rnams la chos bya bar rigs so zhes gsungs nas | de nas yos kyi lo'i dpyid zla ra ba'i ngo la | slob dpon gyis thams cad yod par smra ba'i sde | dbus pa bye brag tu smra ba bya ba'i dge slong bcu gnyis spyan drangs nas | zhang blon gyi bu tsha mchims legs {bzang} la sogs pa la slob dpon gyis rgya gar skad bslabs pa las | mchims a nu'i bu shâkya dang | pa gor na 'dod {he 'dod kyang zer} kyi bu pa gor bai ro tsa na dang | sba rma gzigs {khri bzher yang zer} kyi bu ratnar | sba khri bzher gyi bu sang shi ta yang zer ba de dang | zhang nya bzang gi bu lha bu dang | lha bse btsan dang | shud pu khong sleb la sogs kyis skad lobs | mchims legs bzang la sogs pa zhang blon gyi bu tsha gzhan mang zhig gis ni skad ma shes so |
blon po 'gos rgan na re | nged blon po rgan po rnams la long ma mchis pas a tsa ra'i skad lob mi khom pas rgan po'i chos zhu zer bas | slob dpon gyis a pha dang | a ma'i skad don thog du phebs te | don la rgya skad dang mthun par bod skad mkhyen zhing byang ba dang | bod skad du chos bshad pas sam skri ta'i skad ma dgos pas | slob dpon gyi zhal nas | bod byang chub sems dpa'i sprul pa'i skad yin pas chos byar btub po gsung bas | btsan po'i zhal nas | slob dpon nga'i bod la dge slong med pas nga'i zhang blon dag la dge slong btub bam ces zhus pa'i lan du | btub bam sad par bya gsungs nas skad lobs pa tsho las thog mar bod la dad pa che ba'i sba {sang shi ta yang zer} khri gzigs dge slong byas ma thag tu mtshan sba dpal